रामेछाप – नेपाल रेडक्रस साेसाइटी रामेछापसँगकाे प्राविधिक सहयोगमा रामेछाप जेसिजले मंगलबार मन्थलीमा रक्तदान कार्यक्रमकाे अायाेजना गरेकाे छ ।
विश्वभर महामारीकाे रुपमा फैलिएकाे काेभिड १९ काे कारणले देशभर रक्त अभाव हुन थालेपछि समाचार अाएपछि रामेछाप जेसिजले रक्तअभावलाई न्युनिकरण गर्ने उदेश्यले रक्तदान कार्यक्रम राखेकाे हाे । देशभर भेरियन्ट सहितकाे काेराेना भाइरस संक्रमण न्युनिकरणकम लागि निषेधाज्ञा जारी गरिएकाे छ । 
काेभिट नियन्त्रणका लागि गरिएको निषेधाज्ञाकाे पालना गर्दै पुर्ण रुपमा काेभिडकाे स्वास्थ्य सुरक्षा मापदण्ड अपनाएर रक्तदान कार्यक्रम गरिएकाे रामेछाप जेसिजका अध्यक्ष जीवन कार्कीले जानकारी दिए ।
जेसिज रामेछापले यसअघि पनि समय समयमा रक्त अभाव हुन नदिनका लागि रक्तदान कार्यक्रम गर्दै अाएकाे छ । त्यसैगरि केही काेभिटकाे संक्रमणबाट बच्नका लागि फन्टलाइनमा बसेर काम गर्ने पत्रकार, नेपाल प्रहरी र सशस्त्र प्रहरीलाइ स्वास्थ्य सुरक्षाकाे सामग्री समेत उपलब्ध गराएकाे अध्यक्ष कार्कीले जानकारी दिए ।
