काठमाडौं- कीर्तिपुरस्थित त्रिवि क्रिकेट मैदानमा भएको आईसीसी विश्वकप लिग–२ अन्तर्गतको आजको खेलमा नेपाल ओमनसँग पराजित भएको छ। नेपाल ओमनसँग ८ विकेटले पराजित भएको हो।
२५० रनको लक्ष्य पछ्याएको ओमनले ४७ ओभर २ बलमा २ विकेट गुमाउँदै २५० रन बनायो। ओमानका लागि आकिब लियाजले शतकीय पारी खेले। १०६ बल खेलेका लियाजले १२ चौका र १ छक्काको सहयोगमा १०९ रन बनाएका थिए।
बलिङतर्फ नेपालका सन्दीप लामिछानेले १० ओभर बलिङ गरेर ६५ रन खर्चिए। नेपालका लागि लागि कुशल मल्ल र सुशन भारीले एक–एक विकेट लिए। यसअघि टस हारेर पहिले ब्याटिङ गरेको नेपालले निर्धारित ५० ओभरमा ८ विकेट गुमाउँदै २४९ रन बनाएको थियो।
नेपालका लागि कप्तान ज्ञानेन्द्र मल्लले अर्धशतकीय पारी खेलेका थिए। नेपाल पहिलो खेलमा ओमनसँग १८ रनले पराजित भएको थियो।