काठमाडौं – नेपाली कांग्रेसका नेता प्रकाशमान सिंहको स्वास्थ्यमा सुधार भएपछि सोमबार डिस्चार्ज भएका छन् । गत सोमबार सिंहको स्वास्थ्यमा समस्या भएपछि उपचारका लागि मेडिसिटी अस्पताल भर्ना गरिएको थियो ।
सिंहको उपचारमा डा. मिमि गिरी नेतृत्वको चिकित्सक टोली सहभागि थिए । सिंहलाई केही दिन घरमै पुर्ण आराम गर्न चिकित्सकले सल्लाह दिएका छन् ।
घर फर्कने क्रममा सिंहले आफ्नो उपचारमा संलग्न चिकित्सक टिम, अस्पताल व्यवस्थापन, आफ्नो स्वास्थप्रति चासो राख्ने स्वदेश तथा विदेशमा रहेका आफन्त, शुभचिन्तकलाई आभार प्रकट गरेका छन् ।
‘हाइ सुगर’, उच्च ज्वरो र पिसाबमा संक्रमण देखिएपछि सिंह अस्पताल भर्ना भएका थिए ।
