काठमाडौ – जनतासँग सिधाकुरा कार्यक्रमका प्रस्तोता पत्रकार रवि लामिछाने पक्राउ परे लगतै सामाजिक संजालमा चर्को विरोध सुरु भएको छ । रवी लामिछानेका समर्थकले रवी र सिधा कुरा जनतासंगको कार्यक्रमलाइ सिध्याउन ठुलो सड्यन्त्र रहेको भन्दै विरोध गरेका हुन् । अहिले सामाजिक संजालमा रविको समर्थन गर्दै ‘हामी तिम्रो साथमा छौ’ भन्दै उनका समर्थकहरु सामाजिक संजालमा प्रहरी विरुद्द आक्रोश पोखेका हुन् ।
पत्रकार शालिकराम पुडासैनीको मृत्यु प्रकरणमा उनी पक्राउ बिहिबार साँझ परेका थिए। उनीसंगै पत्रकार युवराज कँडेलसमेत पक्राउ परेका छन् ।
भिडियोमा पुडासैनीले लामिछाने सहित अर्का पूर्वसहकर्मी र एक युवती आफ्ना हत्यारा भएको गम्भीर आरोप लगाएका थिए। न्युज २४ टेलिभिजनमा कार्यरत पत्रकार पुडासैनी यो टिभी छोडेर केही समयदेखि माउन्टेन टेलिभिजनमा काम गरिरहेका थिए। नुवाकोटका स्थायी बासिन्दा पत्रकार पुडासैनी साउन २१ गते मंगलबार चितवनको नारायणगढस्थित पोखरा बसपार्कको एक होटलमा झु न्डिएको अवस्थामा फेला परेका थिए।
प्रहरीले मृतकको साथबाट बरामद भएको मोाइलसहितका सामग्रीको डिजिटल फरेन्सिक ल्याब रिपोर्टका आधारमा अनुसन्धानका लागि रविलाई नियन्त्रणमा लिएको हो। चितवन जिल्ला अदालतले पक्राउ पुर्जी जारी गरेपछि प्रहरीले रवीलाई काठमाडौंको पानी पोखरीबाट पक्राउ गरेको हो । प्रकरणमा समातिएका रवि लामिछानेलाई बिहीबार नै घटनास्थल चितवनतर्फ लगिएको छ ।
