काठमाडौं – नेकपा (एमाले)को खनाल–नेपाल समूहका नेता भीम रावलले संविधानको धारा ७६ (४) छल्न नमिल्ने बताएका छन् ।
राष्ट्रपति विद्यादेवी भण्डारीले बिहीबार नेपालको संविधानको धारा ७६ (५) अनुसारको सरकार गठनका लागि आह्वान गरेपछि उनले यस्तो प्रतिक्रिया दिएका हुन् ।
एमसीसीसंगको सम्झौतामा नेपालको राष्ट्रिय हित, स्वाधीनता, सुरक्षा र कानून विपरीत रहेका प्रावधान नहटाई राजनीति र सरकार अस्थीर भएकोबेला यसलाई अगाडि बढाउनु र तयारीको नाममा अनुमोदन नभएको सम्झौताका अयोजना अघि बढाउनु देशप्रतिको गद्दारी ठहर्छ।
— Dr. Bhim Rawal (@BhimRawal179) May 21, 2021
उनले नागरिकताको विषयलाई कुर्सीको खेलसँग जोड्न नहुने पनि बताएका छन् । “नेपालको संविधानको धारा ७६ (४) ऐच्छिक होइन, बाध्यकारी हो । यसलाई छल्न मिल्दैन । नागरिकता देशको अस्मिता र अस्तित्वसँग गाँसिएको विषय हो । यसलाई कुर्सीको खेलसँग कदापि जोड्नु हुन्न । नगरिकताबारे संविधानसभामा धेरै बहस भई संविधानमा लेखिएको भन्दा फरक किसमले जानु नेपाल र नेपालीको हित विरूद्ध हुन्छ,” उनले ट्विटमा भनेका छन् ।
त्यस्तै एमसीसीसँगको सम्झौतामा राष्ट्रिय हित, स्वाधीनता, सुरक्षा र कानुनविपरीत रहेका प्रावधान नहटाई राजनीति र सरकार अस्थिर भएको बेला यसलाई अगाडि बढाउनु र तयारीको नाममा अनुमोदन नभएको सम्झौताका अयोजना अघि बढाउनु देशप्रतिको गद्दारी हुने उनको ठहर छ ।
नेपालको संविधानको धारा ७६(४)ऐच्छिक होइन बाध्यकारी हो।यसलाई छल्न मिल्दैन।नागरिकता देशको अस्मिता र अस्तित्वसंग गाँसिएको विषय हो।यसलाई कुर्सीको खेलसंग कदापि जोड्नु हुन्न।नगरिकताबारे संविधान सभामा धेरै बहस भई संविधानमा लेखिएको भन्दा फरक किसमले जानु नेपाल र नेपालीको हित विरूद्ध हुन्छ।
— Dr. Bhim Rawal (@BhimRawal179) May 21, 2021
