संविधानको धारा ७६ को ५ अनुसार प्रधानमन्त्रीमा दाबी पेस गरेर केपी शर्मा ओली शीतलनिवासबाट बाहिरिएका छन् ।
शुक्रबार दिउँसो ३ बजेर ३२ मिनेट जाँदा शीतल निवास पुगेका ओली करिब ४० मिनेट बसेर बाहिरिएका हुन् ।
उनले एमालेका १२१ र जसपाका ३२ सांसदको समर्थनसहित १५३ जना सांसदको हस्ताक्षर लिएर प्रधानमन्त्रीमा दावी पेश गरेको नेता बिष्णु रिमालले सामाजिक संजाल फेसबुकमा लेखेका छन् ।
ओली विपक्षी गठबन्धनभन्दा १० मिनेटअघि प्रधानमन्त्रीमा दाबी पेस गर्न शीतलनिवास पुगेका थिए । उनले जनता समाजवादी पार्टीका महन्थ ठाकुर र राजेन्द्र महतो समूहको समर्थन रहेको आधार प्रस्तुत गरेका छन् ।
यो प्रक्रिया आरम्भ भएलगत्तै ओली महन्थ ठाकुर र राजेन्द्र महतोसहित बिहीबार राति ११ बजे शीतलनिवास पुगेका थिए । राष्ट्रपति विद्यादेवी भण्डारीले यो प्रक्रिया अनुसार सरका गठनमा दाबी पेस गर्न शुक्रबार साँझ ५ बजेसम्मको समय दिएकी छिन् ।
