रामेछाप – नेकपा एमाले रामेछापका नेता रत्नप्रसाद गाैतमकाे सहयोगमा जिल्लाका जिल्लाका विभिन्न स्वास्थ्य संस्थाहरुमा स्वास्थ्य सामग्री वितरण गरिएकाे छ ।
नेता गाैतमले विश्वभर महामारीकाे रुपमा फैलिएको नयाँ भेरियन्ट सहितकाे काेराेना भाइरस संक्रमितकाे उपचारमा अावस्यक पर्ने अक्सिजन सहित विभिन्न स्वास्थ्य सामाग्री सहयोग गरेको छ । उक्त सामग्री जिल्ला स्थित काेराेना संकट व्यवस्थापन समितिका संयाेजक तथा प्रमुख जिल्ला अधिकारी गाैलचन सैजुलाई एमाले रामेछापका अध्यक्ष आनन्द श्रेष्ठ र सचिव पुरुषोत्तम कडरियाले मंगलबार हस्तान्तरण गरिएका हुन् । सहयोगमा प्राप्त सामग्रीहरुमा ६० थान अक्सिजन सिलिन्डर ,पाँच सय ५५ थान पिपिई सेट , तीन सय थान एन्टिजेन्ट किट , ५० थान अक्साेमिटर ,र दुई सय थान एन-९५ मास्क रहेकाे छ।
हस्तान्तरण गरिएको ६० थान अक्सिजनमा ५० थान जिल्ला अस्पताल रामेछापमा र बाँकी दस थान आवश्यकताका आधारमा अन्य ठाउँमा पठाइने एमाले रामेछापका सचिव पुरुषोत्तम कडरियाले बताउए । सचिव कडरियाका अनुसार पाँच सय ५५ थान पिपिई सेटमा २२२ थान जिल्ला अस्पताललाई ,६० थान एम्वुलेन्स तथा सववहान चालकलाई ,५० थान तामाकोशी अस्पताललाई ,५० थान नेपाली सेनालाई ,३० थान नेपाल प्रहरीलाई,१५ थान शसस्त्र प्रहरीलाई र १२८ थान जिल्लाका सवै वडामा कार्यरत स्वास्थ्यकर्मीका लागि दुई/दुई थान वितरण गरिने छ । त्यसैगरि ३०० थान एन्टिजेन्ट परीक्षण किटमा २०० थान जिल्ला अस्पताललाई र १ सय थान लिखुतामाकोशी गाउँपालिकामा विरतण गरिने छ भने ५० थान अक्सिमिटरमा २० थान जिल्ला अस्पतालाई ,दस थान प्राथमिक स्वास्थ्य केन्द्रलाई ,दस थान तामाकोशी अस्पताललाई र दस थान जिल्ला स्तरीय कोभिड-१९ सङ्कट व्यवस्थापन केन्द्रमा रहनेगरी वितरण गरिने सचिव कडरियाले जानकारी दिए ।
