काठमाडौँ – नेकपा एमालेको भातृ संगठन राष्ट्रिय युवा संघ नेपालको अध्यक्षमा किरण पौडेल नियुक्त भएका छन् ।
संघका निबर्तमान अध्यक्ष वचनबहादुर सिंहको अध्यक्षतामा भर्चुअल माध्यमबाट जेठ १६ देखि आज १७ गतेसम्म भएको संघको केन्द्रीय सचिवालयको प्रथम पूर्ण बैठकले अध्यक्षमा पौडेललाई नियुक्त गरेको हो ।
यसअघि कमिटीमा पौडेल सहअध्यक्ष थिए । पुर्व सहमति अनुसार वचनबहादुर सिंह अध्यक्ष पदबाट बिदा भएर कार्यभार पौडेललाई सुम्पेका छन् ।
नेकपा विभाजनपछि अध्यक्ष भएका वचनबहादुर सिंह आइतबारदेखि ४१ वर्ष उमेर पुगेकाले उनकै प्रस्तावमा पौडेललाई अध्यक्ष बनाइएको हो ।
