काठमाडौं – नेकपा एमालेको स्थायी कमिटी बैठक फेरि अनिश्चितकालका लागि स्थगित भएको छ ।
पार्टी एकताका लागि माधव नेपाल पक्षका दोस्रो तहका नेताहरूसँग वार्ता चलिरहेका बेला बुधवारको बैठक बिहीबारसम्मलाई स्थगित भएको थियो ।
आजै माधव नेपाल पक्षले केन्द्रीय कमिटी बैठक राखेपछि अबको परिस्थिति हेरेर बैठक बस्नेगरि अर्को सूचना नभएसम्मका लागि बैठक स्थगित गरिएको हो । बैठक आज अपरान्ह ४ बजे बस्ने भनिएको थियो ।
