काठमाडौं – निषेधाज्ञा उल्लंघन गर्दै एक होटेल संचालकलाई ४ लाख जरिवाना गरिएको छ । प्रहरीले त्रिपुरेश्वरस्थित युनाइटेड विजनेस होटललाई होटल खोलेको आरोपमा कारवाही गरेको हो ।
होटलका सञ्चालक मात्र नभएर ग्राहकहरू पनि जरिवाना तिर्न वाध्य भएका छन् । आज बिहान ३ बजे महानगरीय प्रहरी वृत्त कालीमाटीको टोलीले अनुगमनका क्रममा सो होटल खोलेर मानिसहरू भेला भएको अवस्थामा भेटेको हो ।
म्यानेजर श्रेष्ठलाई ४ लाख रूपैयाँ जरिवाना गराइएको छ । यसैगरी ग्राहकहरुले पनि १५-१५ हजार जरिवाना तिरेका छन् ।
जरीवाना तिर्नेमा रोहित तामाङ, सुजन नेपाली, नितिश खड्का, योगिता तामाङ र दुई विदेशी नागरिक रहेका छन् । जरिवाना तिरेपछि सबैजना छुटेका छन् ।
सरकारले हालै जारी गरेको कोभिड १९ संकट व्यवस्थापन गर्न बनेको अध्यादेश २०६७८ को दफा २१ को प्रावधान अनुसार उनीहरुलाई प्रमुख जिल्ला अधिकारी कालीप्रसाद पराजुलीले जरिवानाको आदेश गरेका हुन् । प्रहरीले होटेलका म्यानेजर आश्विन श्रेष्ठ र ८ ग्राहकहरूलाई पक्राउ गरी जिल्ला प्रशासन कार्यालय काठमाडौंमा बुझाएको थियो ।
