काठमाडौं – तीन दिनदेखिको अविरल वर्षाले देशैभर क्षति गरेको छ । मौसम पूर्वानुमान महाशाखाले आज पनि देशभर भारी वर्षा हुनसक्ने भएकाले नदी आसपासका क्षेत्रमा सजग रहन आग्रह गरेको छ ।
महाशाखाको पछिल्लो बुलेटिनअनुसार बुधबार बागमती, कर्णाली, लुम्बिनी र गण्डकी प्रदेशका अधिकांश स्थानमा भारी वर्षा र केहि स्थानमा धेरै भारी वर्षाको अनुमान गरेको छ । आज राती पनि कर्णाली, लुम्बिनी र गण्डकी प्रदेशका केहि क्षेत्रमा धेरै भारी वर्षा हुनेछ ।
पहाडमा नदीको सतह बढ्दा तराईमा डुवानको जोखिम पनि उत्तिकै बढेको छ । महाशाखाले शुक्रबारसम्म देशका अधिकांश स्थानमा वर्षाको सम्भावना रहेको र बाढी, पहिराे र गेग्रान बहाबकाे जाेखिम रहेकाे जनाएकाे छ ।
आज राति कर्णाली, लुम्बिनी, गण्डकी प्रदेशका केही स्थानमा भारी वर्षा हुनेछ ।
बिहीबार देशभर बदली रहने र देशका अधिकांश स्थानमा वर्षा हुने अनुमान गरिएको छ। मनसुन सुदूरपश्चिम प्रदेशसम्म सक्रिय रहनेछ। राति सुदूरपश्चिम र बागमती तथा प्रदेश १ मा पनि भारी वर्षा हुने सम्भावना रहेको छ।
मौसम पूर्वानुमान महाशाखाका अनुसार शुक्रबार दिउँसो देशभरको मौसम बदली रहनेछ, भने देशका अधिकांश स्थानमा वर्षा हुनेछ । जसमा सुदूरपश्चिम, बागमती र लुम्बिनी प्रदेशमा भारी वर्षा हुनेछ ।
निरन्तरको वर्षाले विशेषगरी पहाडी भू–भागमा पहिरो तथा गेग्रान बहावको जोखिम रहेको छ । नदीनाला तथा खहरे खोलामा पानीको सतह बढ्न सक्ने तथा यातायात क्षेत्र प्रभावित हुन सक्ने भएकोले आवश्यक सतर्कता अपनाउन महाशाखाले अनुरोध गरेको छ।
