काठमाडौँ – प्रधानमन्त्री तथा मन्त्रिपरिषद्को कार्यालयमा सचिव खगराज बरालले राजिनामा दिएका छन्। कोभिड क्राईसिस म्यानेजमेन्ट सेन्टर (सीसीएमसी) सचिवालयका संयोजक समेत रहेका बरालले राजिनामा दिएका हुन्।
राजीनामा दिए लगतै बराल नेपाल विज्ञान तथा प्रविधि प्रज्ञा प्रतिष्ठान (नाष्ट)को अध्यक्षमा नियुक्त भएका छन् । एक वर्षदेखि रिक्त रहेको अध्यक्षमा नाष्टका कुलपति रहेका प्रधानमन्त्री केपी शर्मा ओलीले बराललाई अध्यक्षमा नियुक्त गरेका हुन् ।
सचिव बराललाई ओलीले नाष्टको अध्यक्षमा नियुक्त गरेपछि उनले सचिवबाट राजीनामा दिएका हुन् । आउँदो साउन २६ गते अनिवार्य अवकाश हुन लागेका बराल प्रधानमन्त्री तथा मन्त्रिपरिषद्को कार्यालयमा सचिवको जिम्मेवारीमा थिए ।
