रामेछाप- रामेछापको लिखुतामाकाेसी गाउपालीका ६ खिम्ती खाेलामा करेन्ट लगाएर माछा मार्ने ९ जनालाई प्रहरीले पक्राउ गरेकाे छ ।
लिखु तामाकोसी गाउँपालिका-६ खिम्ती खोलामा अवैध रुपमा करेन्टको लगाएर माछा मार्दै गरेको अवस्थामा मन्थली नगरपालिका-८ का ९ जनालाई मंगलबार प्रहरीले पक्राउ गरेकाे हाे । विद्युतीय व्याट्री, माछा मार्ने जाल, विद्युतीय तार तथा माछासहित पक्राउ गरेको जिल्ला प्रहरी कार्यालय रामेछापका प्रहरी प्रमुख नवराज ढुंगानाले जानकारी दिए ।
पक्राउ पर्नेहरुमा मन्थली नगरपालिका-८ का शेरबहादुर माझी, मिलन माझी, शमशेर माझी, सन्तबहादुर माझी, विष्णु माझी, प्रवीण माझी, सुनिल माझी, राजकुमार माझी र विपिन माझी रहेका छन् । उनीहरुलाई जलचर संरक्षण ऐन २०१७ अनुसार कारवाहीका लागि जिल्ला प्रशासन कार्यालयमा आज नै पेश गरिएको जिल्ला प्रहरी कार्यालय रामेछापले जनाएको छ ।
