काठमाडौं – पूर्व सांसद सरिता गिरीले जनता समाजवादी पार्टीका नेता डा. बाबुराम भट्टराईले गुण्डा लगाएर घरमा आक्रमण गराएको आरोप लगाएकी छिन् ।
सामाजिक सञ्जाल फेसबुकमा गिरीले भट्टराईबारे गम्भीर टिप्पणी गर्दै ण्डा लगाएर घरमा आक्रमण गराएको आरोप लगाएकी हुन् । उनले घरमा छोरी मात्र भएको अवस्थामा आक्रमण भएको भन्दै आफ्नी छोरीले बयान समेत दिएको उल्लेख गरेकी छिन् ।
उनले लेखेकी छिन्ः तपाईं क्रुर अपराधी हुनुहुन्छ डा. भट्टराई । बाबुरामले गरेका विकासका कुरा नक्कली भएको टिप्पणी गरेकी छिन् । बाबुरामका कारण जनतालाई करको भार परेको बताएकी छिन् । यस्तै उनले सामाजिक संजालमा लेखेकी छिन्, ‘मेरी छोरीले तपाईंका गुण्डाहरुको विरुद्धमा बयान दिएकी छिन् ।’
समाजवादी पार्टीकी पूर्व सांसद गिरीले यसअघि लिम्पियाधुरा–कालापानीसमेतका भूभाग समेटेर सरकारले नयाँ नक्सा जारी गरेकोमा विरोध जनाएकी थिइन् । लिम्पियाधुरा, कालापानी र लिपुलेक क्षेत्र समेटिएको नयाँ नक्साअनुसार निशान छाप परिवर्तन गर्न सरकारले ल्याएको संविधान संशोधन विधेयकमा गिरीले संशोधन हालेकी थिइन् ।
समाजवादी पार्टीको संसदीय दलले संशोधन फिर्ता लिन र विधेयकको पक्षमा मतदान गर्न निर्देशन दिएपनि उनले अटेर गरेपछि पार्टीबाट हटाएको थियो । पार्टीबाट हटेपछि उनको सांसद पद पनि गुमेको थियो ।
केही समयअघि गिरीले मधेस विकास फोरम गठन गरेकी छन्। समाजवादी पार्टीको कारबाही पछि सांसद पदबाट मुक्त गिरीले सिराहाको लहानमा मधेस विकास फोरम गठन गरेकी हुन्।
फोरमको संयोजकमा गिरी आफै छिन भने उपसंयोजकमा लहान नगरपालिकाका स्थानीय राम प्रसाद महतो रहेका छन्। स्थानीय तहमा वातावरणको संरक्षण गर्दै सहभागिता मूलक जनमुखी विकास, विधिको शासन र मानव सुरक्षाको सुनिश्चितताका लागि भन्दै उनले फोरम गठन गरेकी हुन् ।
