नेपालमा पछिल्लो २४ घण्टामा ४ हजार ९६१ जनामा कोरोना भाइरसको संक्रमण पुष्टि भएको छ।
१५ हजार १३१ नमूना परीक्षण गर्दा ४९६१ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ।आज ४३५ जना डिस्चार्ज भएका छन्।
यससँगै देशभर कोरोनाको सक्रिय संक्रमितको संख्या २५ हजार ६८० पुगेको मन्त्रालयले आइतबार जानकारी दिएको छ ।
बितेको २४ घण्टामा ३ जनाको कोरोनाबाट मृत्यु भएको छ भने निको हुनेको संख्या ४३५ जना रहेका छन् । आज होम आइसोलेसनमा २४ हजार ५८४ र संस्थागत आइसोलसनमा १ हजार ९६ जना रहेका छन्।
यस्तै, आज आईसीयूमा १२२ जना रहेकोमा भेन्टिलेटरमा २९ जनाको उपचार भइरहेको छ। गएको २४ घण्टामा काठमाडौं उपत्यकामा ३ हजार ३४७ जनामा संक्रमण पुष्टि भएको छ।
