काठमाडौँ – नेकपा एमालेले विभाग गठनलाई अघि बढाएको छ। एमालेले तीनवटा विभागमा सदस्य मनोनयन थालेको हो। एमाले केन्द्रीय कार्यलयका अनुसार पार्टीको गत पुस १८ गते बालकोटमा बसेको सचिवालयको बैठकले विभागमा सात नेताहरुलाई मनोनित गर्ने निर्णय गरेको थियो।
संगठन विभाग सदस्यहरूमा भानुभक्त ढकाल, देवराज घिमिरे, कर्ण थापा, यामलाल कँडेल, लीला गिरी, जगत विश्वकर्मा र ज्वाला कुमारी साहलाई मनोनित गरिएको हो।
मंसिर २५ र २६ गतेको बैठकले स्थायी कमिटी सदस्य खगराज अधिकारीलाई संगठन विभाग प्रमुख बनाएको थियो।एमालेको विधानमा हरेक विभागमा बढीमा २५ जना सदस्य हुने व्यवस्था छ।
अन्य सदस्यहरु आवश्यकता अनुसार थप्न सकिने संगठन विभाग प्रमुख प्रमुख अधिकारीले बताएका छन्।
त्यस्तै नेकपा एमालेले २५ जना भन्दा धेरै सहभागी रहने सार्वजनिक कार्यक्रमहरुलाई स्थगित गर्ने निर्णय गरेको छ।सोमबार नेकपा एमालेका कार्यालय सचिव भीष्मनाथ अधिकारीले विज्ञप्तिमार्फत निर्देशन जारी गर्दै सरकारद्वारा जारी स्वास्थ्य मापदण्डलाई ध्यानमा राखि सबै प्रदेश, जिल्ला तथा मतहतका कार्यालयहरु सञ्चालन भनिएको छ।
केन्द्रीय कार्यालयले कोभिड-१९ संक्रमणलाई मध्यनजर गरेर २५ जना भन्दा धेरैजना भेला नहुन सर्कुलर जारी गरेको छ। केन्द्रीय कार्यालयले ४ बुँदे निर्देशन जारी गरेको छ।
