सरकारले तल्लो दर्जाका प्रहरी कर्मचारीको वृत्तिविकास तथा मनोबल उच्च राख्न वरिष्ठ नायब निरीक्षक (बसई), वरिष्ठ हबल्दार (बह) र सहायक हबल्दार (सह) गरी तीन पद थप गरेको छ ।
प्रहरी नियमावली २०७१ संशोधनसहित तीन पद थपेको हो। सो निर्णयसँगै प्रहरीमा वरिष्ठ सई, सई र असई गरी तीन पद रहने छन् । हाल सई र असई गरी दुई पद रहेका छन् ।
प्रहरी नियमावली नवौं संशोधन राजपत्रमा प्रकाशित भएको छ। यससँगै प्रहरीमा थप गरिएका ९ पदमा बढुवा गर्ने बाटो खुलेको छ। नियमावली संशोधन गर्दै नेपाल प्रहरीमा सहायक हवल्दार, वरिष्ठ हवल्दार र प्रहरी वरिष्ठ नायव निरीक्षक (वरिष्ठ सई) को पद थप गरिएको छ।
सोमबार राजपत्रमा प्रकाशित नियमावली मुद्रण विभागबाट प्रमाणित भएपछि लागू हुनेछ। कार्यालय सहयोगी पनि पाँच श्रेणीका हुनेछन्। यसअघि सबै एउटै तहका हुन्थे।
यस्तै विभूषण बापतको नम्बर भने कटौती गरिएको छ। विभूषणको नम्बर बढुवामा जोडिँदा विकृति बढेको भन्दै त्यस बापतको नम्बर बढुवामा नजोडिने भएको हो।
नियमावली अनुसार अब जवानबाट सहायक हवल्दार, हवल्दारबाट वरिष्ठ हवल्दार र सईबाट वरिष्ठ सईमा बढुवाको प्रक्रिया सुरु हुनेछ।
यस्तो छ नियमावली
