अजय लेन्सम्यान,काठमाडौँ- नेपालमै पहिलो पटक नेपाल नेल च्याम्पियनसीप २०२२ हुने भएको छ । द जगस्टग नेलआर्टको आयोजनामा यही भाद्र २५ गते शनिबार काठमाण्डौंमा यो आयोजना हुन लागेको हो।
च्याम्पियनसीपमा प्रथम हुने विजेतालाई ५० हजार नगद तथा प्रमाणपत्र र पदक प्रदान गरिनुका साथै द जगस्टग नेल आर्ट दुबाई शाखामा रोजगारको व्यवस्था समेत गर्ने आयोजक संस्थाका संस्थापक निर्देशक सुनिलजंग मल्लले जानकारी दिए ।
त्यस्तै, विजेताले दुबाइ नेल च्याम्पियनसीप २०२३ को प्रतिस्पर्धामा समेत भाग लिने अवसर प्राप्त गर्नेछ । लामो समयदेखि स्वास्थ्य र सौन्दर्यलाई ध्यानमा राख्दै नेलआर्ट, नेल एक्सटेन्सन, नेल हाइजिनमा काम गर्दै आइरहेको द जगस्टग नेलआर्टले हाल नेपाल लगायत दुबाइ, साउदी, कतार लगायतका मिडिल इस्ट देशमा आफ्नो शाखा विस्तार गरेको छ ।
संस्थाका संस्थापक निर्देशक मल्लका अनुसार सौन्दर्य क्षेत्रमा नयाँ आयाम थप्ने मात्र नभएर सयौं नेपालीलाई रोजगारी समेत दिइरहेको द जगस्टग नेलआर्ट डियोले नेपालको सौन्दर्य क्षेत्रमा पहिलो पटक यस्तो किसिमको नेल प्याजेन्ट गर्ने आट गर्नु भनेको नेपाल र नेपाली कलालाई विदेशी स्तरसम्म चिनाउने र फैलाउने मुल लक्ष्य तथा उद्धेश्य रहेको बताए ।
नेपाल नेल च्याम्पियनसीप २०२२ मा दुबाइ नेल च्याम्पियनसीपका निर्देशक गलिना स्पाइरलिंग, दवाइ नेल च्याम्पियनसीपका निर्णायकहरु सनिलजंग मल्ल, सरस्वती मल्ल अधिकारी र मारिया मुख्य निर्णायकका रुपमा छन् भने फ्लोर निर्णायकमा निरज जिरेल, किरण मल्ल, निता लामा र एनी निरौला रहनेछन् ।
