यात्रा संस्करण: बिर्सनै नसकिने अन्नपूर्ण आधार शिविरको यात्रा (फोटो फिचर)

काठमाडौं – पर्यटकीय नगर पोखराबाट नजिक पर्ने ट्रेकिङ्हरुमध्ये एक हो अन्नपूर्ण बेस क्याम्प ट्रेकिङ् । यस ट्रेकमा एकै पटक आधा दर्जन भन्दा धेरै हिमशृङ्खलाको अवलोकन गर्न सकिन्छ ।

हामी ४ जना (लमजुङबाट अंकित भाइ र आयुश भाइ, चितवनबाट सौरभ भाइ अनि म) ले यो ट्रेक मिलेर गर्ने निर्णय गर्यौं । हामीले यस ट्रेकको शुरुआत सबेरै विहान ५ बजे उठेर पोखराको पृथ्वीचोकबाट ट्याक्सी चढेर हरि चोकमा गयौँ।

त्यहाँबाट हाईसमा करिब ९ बजे झिनु पुलसम्म यात्रा गर्यौँ । हुन त बागलुङ बसपार्कबाट ठुला बस अनि साना गाडीहरु क्यू मा छुट्ने रहेछ । हामीले छिटो अनि सहजताको लागि सिधै गयौँ । अनि शुरु भयो हाम्रो पैदल यात्रा।  लगभग २ घण्टाको निरन्तर उकालो यात्रासंगै छोमरोङ डाँडामा पुगियो ।

शुरुमै ठाडो उकालो हिड्नु पर्दा चाहीँ बेर्थै ट्रेकिङ आईएछ झैँ महसुस हुने रहेछ | छोमरोङमा खाना खाएर उकाली ओराली गर्दै करिब १ घण्टामा लोअर सिनुवा पुगियो | त्यसपछि उकाली अनि तेर्सो बाटोको यात्रा गर्दै करिब डेढ घण्टाको यात्रापछि अपर सिनुवा पुगियो ।

फेरि उकालीओराली गर्दै करिब डेढ घण्टाको यात्रापछि ब्याम्बु पुगियो । यात्राको पहिलो दिन त्यहीँ बस्यौँ । भोलिपल्ट बिहान उठेर ब्रेकफास्ट गर्दै करिब ७ बजे पैदल यात्रा शुरु गरियो । चराचुरुङ्गीको चिरबिर आवाज खोलाको सुस्केरा अनि त्यो जाडो मौसमको चिसो सिरेटोसंगै १ घण्टाको यात्रापछि हामी दोभानमा पुग्यौँ ।

यात्रालाई निरन्तरता दिँदै करिब डेढ घण्टामा हामी हिमालयमा पुग्यौँ । करिब २ घण्टाको उकालो यात्रासँगै हामी देउराली पुगियो । यात्राको क्रममा थकित भएका थियौँ । त्यहा खाना खायौँ । आराम गर्यौँ । फेरि इनर्जी बूस्ट गर्दै उकाली यात्रालाई निरन्तरता दिँदै करिब २ घण्टाको यात्रापछि समुन्द्री सतहबाट ३,७०० को उचाइमा रहेको माछापुच्छ्रे बेस क्याप पुगियो ।
हुन त हामीसँग अन्नपूर्ण बेस क्याम्प पुग्नको लागि नि पर्याप्त समय थियो । तर पनि समुन्द्री सतहबाट ४,१३० को उचाइमा रहेको अन्नपूर्ण बेस क्यापमा अलि बढी जाडो हुने, चिसो हावा चल्ने अनि लेक लाग्ने सम्भावना बढी भएकाले माछापुच्छ्रे बेस क्याम्प मै बस्ने निर्णय गरियो। यात्राको तेस्रो दिन बिहान ४ बजे नै उठेर अन्नपूर्ण बेस क्याम्पको यात्रा शुरु गरियो । करिब २ घण्टाको निरन्तर यात्रापछि हाम्रो गन्तव्य अन्नपूर्ण बेस क्याम्प पुगियो । आहा! क्या रमाइलो । ती रमणीय अनि मनमोहक एकैपटक आधा दर्जन भन्दा धेरै सेता सर्लक्क परेका हिमशृङ्खलाहरूको अवलोकन गर्ने सुनौलो मौका मिल्यो ।

केहिबेरमा सुर्योदय पनि प्रत्यक्ष अवलोकन गरियो । अनि पो झन मज्जा आयो । सुनमा सुगन्ध थपिए झैँ भयो । रमणीय अनि मनमोहक प्राकृतिक सुन्दरतामा रमाउन पाउँदा नमरिकनै स्वर्ग देख्न पाएको महशुस भयो । आँखाको लेन्सबाट लिन सकिने आनन्द क्यामेरामा कैद गर्न नसकिने रहेछ । करिब २ घण्टाको अन्नपूर्ण बेस क्याम्प बसाईसँगै हामी त्यहाँबाट फर्किने निर्णयमा पुग्यौँ ।

केहिबेरको ओरालो यात्रापछि हामी माछापुच्छ्रे बेस क्याम्प आइपुग्यौँ । त्यहाँबाट ब्रेकफास्ट गरेर फर्किन शुरुसार कस्यौँ । उकाली चढ्नुभन्दा ओराली झर्नु धेरै सजिलो अनि छिट्टो हुने रहेछ । त्यसैले हामी चाँडै देउराली, हिमालय हुँदै दोभान झरेर खाना खाइयो । फर्कने क्रमलाई निरन्तरता दिँदै ब्याम्बु, अपर सिनुवा हुँदै लोअर सिनुवामा झरेर बास बस्यौँ । भोलिपल्ट चौथो दिन हामी उठेर ब्रेकफास्ट गरेर उकाली यात्रा गर्दै डेढ घण्टामा छोमरोङ्ग पुग्यौँ । अनि आधा घण्टाको ओराली यात्रापछि सँगै झिनु पुलमा पुगियो ।

पैदल यात्राको समापन गरियो । अनि पोखरा आउने हाईसमा चढियो । करिब साढे ३ घण्टाको यात्रापछि पोखरा आइयो र अनगिन्ती यादगार पलहरु मनमा सङ्गाल्दै आधिकारिक रुपमा अन्नपूर्ण बेस क्याम्प ट्रेकिङको समापन गरियो |

दसैँको बिदा पनि भएकोले ट्रेकिङ जानेको लर्को थियो । स्वदेशी तथा विदेशी पर्यटकले अधिकांश होटलहरू भरिभराउ थिए ।अन्नपूर्ण बेस क्याम्प ट्रेकिङ् ट्रेल राम्रो र सहज भएकाले ४ दिनमा पूरा गर्न सकिन्छ । अन्नपूर्ण बेस क्याम्प ट्रेकिङ्गका लागि कति खर्च लाग्ला भन्ने प्रश्न धेरैलाई लाग्न सक्छ ।

४ दिनका लागि बिहान बेलुकाको दालभात खान र बस्नका लागि १५ हजार भए पुग्छ । बाटोमा खानका लागि काजु, किसमिस, ओखर, बदम, बिस्कुट, क्याटबरी चक्लेट भने आफूले छुट्टै लैजानुपर्छ साथै छुटाउनै नहुने चाहि लसुन, टिमुर, ल्वाङ, तातोपानी पिउने सानो थर्मस अनि लेक लाग्न सक्ने सम्भावना रहेकाले केही औषधी पनि ।

कविराज श्रेष्ठ
मन्थली नगरपालिका-६, रामेछाप ।

सिफारिस

घट्यो कुखुराको मासुको मूल्य

काठमाडौँ - देशभर कुखुराको मासुको मूल्य घटेको छ । साउन लागेसँगै मासु खपत घटेकाले मासुको मूल्य प्रतिकिलो ८० रुपैयाँले घटेको हो । असारमा ४२० रुपैयाँ...

रामदत्त जोशी एआईजीमा बढुवा सिफारिस

नेपाल प्रहरीका डीआईजी रामदत्त जोशी एआईजीमा बढुवा सिफारिस भएका छन्। आइतबार बेलुका बसेको बढुवा समितिको बैठकले जोशीलाई बढुवा गर्न सिफारिस गरेको हो। जोशी त्रिभुवन अन्तर्राष्ट्रिय...

आज यी प्रदेशमा ठूलो वर्षा हुने, सतर्क रहन आग्रह

काठमाडौँ– जल तथा मौसम विज्ञान विभाग मौसम पूर्वानुमान महाशाखाले हाल देशभर मनसुनी वायुको प्रभाव रहेको जनाएको छ। मनसुनको न्यून चापीय रेखा सरदर स्थानको आसपास...

LEAVE A REPLY

Please enter your comment!
Please enter your name here

भर्खरै

रामदत्त जोशी एआईजीमा बढुवा सिफारिस

नेपाल प्रहरीका डीआईजी रामदत्त जोशी एआईजीमा बढुवा सिफारिस भएका...

आज यी प्रदेशमा ठूलो वर्षा हुने, सतर्क रहन आग्रह

काठमाडौँ– जल तथा मौसम विज्ञान विभाग मौसम पूर्वानुमान महाशाखाले...

खेतमा धान गोड्न व्यस्त किसान (तस्वीरहरू)

अहिले देशभरका किसान खेतमा छन् । रोपाईं सकिएपछि किसान...

संसदमा पुष्पलाललाई सम्झँदा पुष्पकमल उच्चारण गरेपछि…

काठमाडौं - प्रतिनिधिसभाका सांसद किरणकुमार साहले नेपाल कम्युनिस्ट पार्टीका...

अमेरिकी राष्ट्रपतिको दौडबाट पछि हटे बाइडेन, कमलालाई समर्थन

अमेरिकी राष्ट्रपति जो बाइडेन आफ्नो उम्मेदवारीबाट पछि हटेका छन्...

काठमाडौंमा भारी वर्षा, कस्तो रहला दिनभरको मौसम ?

काठमाडौँ– पछिल्लो एक घण्टा काठमाडौंको सुन्दरीजल, कपन र आसपास...

धेरै पढिएको