काठमाडौं – राष्ट्रिय स्वतन्त्र पार्टीले धमाधम कर्मचारी माग गर्न थालेको छ । विभिन्न पदमा स्वयमसेवक मागेको राष्ट्रिय स्वतन्त्र पार्टीले अहिले फेरि नेताका लागि स्वकिय सचिवदेखि प्राविधिक कर्मचारीसम्मका लागि विज्ञापन खुलाएको छ ।
राष्ट्रिय स्वतन्त्र पार्टीका प्रवक्ता मुकुल ढकालले एक विज्ञप्ति सार्वजनिक गर्दै एकजना स्वकीय सचिव र एकजना सामग्री लेखकमा विज्ञापन खुलाएका छन् ।
यस्तै उनले तथ्य खोजकर्ता एकजना र सूचना तथा प्रविधि (आईटी) प्राविधिक १ जनाका लागि दर्खास्त आह्वान गरेका छन् । उनले तलब सुविधा योग्यता र क्षमताको आधारमा निर्धारण गरिनेसमेत विज्ञप्तिमार्फत भनेका छन् ।
यस्तै रवि लामिछाने नेतृत्वमा रहेको राष्ट्रिय स्वतन्त्र पार्टीले पार्टीको केन्द्रीय कार्यालय बसुन्धारामा रहेर काम गर्न जनसम्पर्क डेस्क स्वयसेवकदेखि सोसल मिडिया सहयोगीसम्म माग गरेको छ । पार्टीले आज निकालेको सूचनामा आठ जना जनसम्पकर्क डेस्क स्वयसेवक मा भएको छ।
बिहान १० देखि साँझ ६ बजेसम्म उनीहरूले काम गर्नुपर्ने हुन्छ भने समयावधि २ महिना मात्रै रहेको छ। यस्तै कम्प्युटर अपरेटर १० जना माग भएको छ। उनीहरूले बिहान १० बजेदेखि अपरान्ह ५ बजेसम्म काम गर्नुपर्ने र समयावधि २ महिना छ।
पार्टीले सोसल मिडिया सहयोगी २० जना माग गरेको छ। उनीहरूले १० बजेदेखि अपरान्ह ५ बजेसम्म काम गर्नुपर्ने र समयावधि २ महिना छ।स्वयमसेवा गर्न किन इच्छुक छु भन्ने व्यहोराको साथमा वैयक्तिक विवरण पनि पठाउन पनि उक्त पार्टीले आग्रह गरेको छ।
