यमपञ्चक अर्थात् तिहारको दोस्रो दिन आज देशभर कुकुर तिहार मनाइएको छ। यस अवसरमा नेपाली सेनाले तालिमप्राप्त कुकुरहरूको विशेष सीप तथा कलाकौशल प्रदर्शन गरेर कुकुर तिहार मनाएको छ। भक्तपुरको सानोठिमीस्थित नेपाली सेनाको भैरव वाहन गुल्ममा आयोजित कार्यक्रममा तालिमप्राप्त कुकुरहरूले विभिन्न सीप प्रदर्शन गरेका हुन्। प्रदर्शनका क्रममा कुकुरहरूले अनुशासन पालना, सुरक्षा जाँच, विपद्का बेला उद्धार तथा विभिन्न वस्तु र व्यक्तिको खोजी (ट्र्याकिङ)...