काठमाडौं – फिल्म दबंगबाट बलिउडमा डेब्यु गरेकी अभिनेत्री सोनाक्षी सिन्हा नेपाल आउँदैछिन् । उनी दबंग टुरका लागि नेपाल आउन लागेकी हुन् । बलिउड सुपरस्टार सलमान खानको टोलीस“ग उनी कार्यक्रममा सहभागी हुनेछिन् ।
सोनाक्षी हिरोइन हुनुअघि निकै मोटी थिइन् । उनलाई देखेर कसैले पनि भन्दैनथिए कि, उनी हिरोइन हुन्छिन् । तर सलमान खानले उनलाई हिरोइन बनाउने भए । त्यसपछि सोनाक्षीले तौल घटाउन थालिन् ।
उनले ९० किलोको शरीरलाई घटाएर पछि स्लिम बनिन् । सोनाक्षीको जीवनसँग जोडिएका यस्तै रोचक कुरा प्रस्तुत गर्दैछौं, जो तपाईलाई थाहा नहुनसक्छ ।
– उनी २ जुन १९८७ मा जन्मिएकी हुन् ।
– सोनाक्षी सिन्हाको जन्म पटना, बिहारमा भएको थियो ।
– सोनाक्षी बलिउडका चर्चित खलनायक शत्रुध्न सिन्हाकी छोरी हुन् ।
– उनी भाग्यमानी अभिनेत्री हुन्, जसको कुनै फिल्म फ्लप भएको छैन ।
– उनको पढाई आर्य विद्या मन्दिर, मुम्बईबाट भएको हो । सोनाक्षीले फेसन डिजाइनिङमा स्नाटक गरेकी छिन् ।
– तपाईलाई अचम्म लाग्न सक्छ, सोनाक्षीले आफ्नो करियरको शुरुवात कस्ट्युम डिजाइनरको रुपमा गरेकी थिइन् । उनले मेरा दिल लेके देखोका लागि कपडा डिजाइन गरेकी थिइन् ।
– बलिउडमा आउनुअघि उनको तौल ९० केजीको थियो । दबंगका लागि उनले ३० केजी तौल घटाइन् ।
– सोनाक्षीको मनपर्ने निर्देशक संजय लीला भन्साली, अभिनेता हृतिक रोशन र रसेल पीटर्स हो । जबकी उनी अभिनेत्रीको रुपमा रानी मुखर्जीलाई मन पराउँछिन् ।
– सोनाक्षीलाई पेन्टिङमा निकै रुची छ । सोनाक्षीले आफ्नो घरमा एक स्टूडियो समेत बनाएकी छिन् ।
– अक्षयकुमारसँगको उनको जोडीलाई दर्शकले औधी मन पराए । अक्षयसँग उनले जतिपनि फिल्म खेलेकी छिन्, सबै हिट भएको छ ।
