रामेछाप – रामेछापको मन्थली नगरपालिका – ८ चिसापानीका दर्जनौं युवाले नेपाल कम्युनिस्ट पार्टी परित्याग गरि नेपाली कांग्रेसमा प्रवेश गरेका छन् । आइतबार आयोजित कार्यक्रममा करिब दुई दर्जन युवा प्रवेश गरेको कांग्रेस वडा सभापति ओम पुरिले जानकारी दिएका छन् ।
सन्तोष भुषाल, सुमन नेपाली र ऋषि कपुर नेपालिको नेतृत्वमा कांग्रेस प्रवेश गरेका करिव दुई दर्जन युवालाई नेपाली कांग्रेसका युवा नेता एवं नेविसंघ पुर्व केन्द्रिय सदस्य रत्नहरी ढुंगेलले अविर लगाइ स्वागत गरेका थिए । नव प्रवेशीहरुलाइ स्वागत गर्दै ढुंगेलले वर्तमान सरकार भ्रष्टाचारमा चुर्लुम्म डुबेको र जनताको चरम बेवास्ता गरेको भन्दै मुलुकको बागडोर समाल्न सक्षम पार्टी नेपाली कांग्रेस मात्र भएको दावी गरे ।
नवप्रवेशी सुमन नेपालीले भने कम्युनिस्टहरु धेरै बोल्ने काम अलिकति पनि नगर्ने तर कांग्रेस भने कम बोलेर धेरै काम गर्ने पार्टी भएकाले आफुहरु कांग्रेस प्रवेश गरेको बताए ।
युवा नेता रत्नहरी ढुंगेकको प्रमुख आतिथ्यतामा सम्पन्न प्रवेश कार्यक्रम नेपाल तरुण दल मन्थली नपा – ८ वडा इकाई अध्यक्ष शिव शंकर श्रेष्ठको अध्यक्षतामा , तरुण नगर सभापति कृष्णलाल पुरी , नेपाली कांग्रेस रामेछापका पुर्व जिल्ला सदस्य लव नेपाली लगाएतको उपस्थितिमा सम्पन्न भएको तरुण नेता बासुदेव ढुंगेलले जानकारी दिए ।
