डम्बर निदाल
डडेल्धुरा – डडेल्धुरा जिल्लाको अजयमेरु गाउँपालिकाले स्वास्थ्य संस्थाहरुमा सुपथ मुल्य फार्मेसी संचालन गरेको छ । ग्रामिण वस्तिमा नै सर्वसाधारणलाई सबै औषधी सहजै रुपमा उपलब्ध गराउन फार्मेसी संचालन गरेको हो । सबै गाउँपालिकावासीले गाउँमै वा वडामै सुपथ मुल्यमा औषधी खरिद गर्न पाउन भन्ने उद्देश्यले गाउँपालिकामा फार्मेसी सञ्चालन गरिएको हो ।
गाँउपालिकाले आफै औषधी खरिद गरि स्थानिय जनताहरुलाई सुपथ मुल्यमा औषधी उपलब्ध गराउने उद्धेश्यले फार्मेसी सञ्चालन गरिएको अजयमेरु गाउँपालिका अध्यक्ष उमेश प्रसाद भट्ट(विकास)ले बताए । सामान्य औषधी देखि दिर्घरोगका औषधिहरु किन्नका लागि जिल्ला सदरमुकाम धाउनु पर्ने स्थानियहरुको समस्यालाई मध्यनजर गर्दै अजयमेरुको भद्रपुर स्वास्थ्य चौकी भद्रपुरमा फार्मेसी संचालन गरिएको र विस्तारै अजयमेरुका सवै स्वास्थ्य संस्थाहरुमा फार्मेसी संचालन गरिने गाउँपालिकाले जनाएको छ ।
ग्रामिण वस्तिमै सुपथ मुल्यमा औषधी पाईन थाले पछी स्थानिय लाई सहज भएको छ । औषधी किन्नकै लागी ग्रामिण क्षेत्र वाट जिल्ला सदरमुकाम बागबजार सम्म पुग्नु पर्ने बाध्यता हटेको स्थानियको भनाई छ ।
गाउँमै औषधी पाइने भएपछि स्थानिय खुशी भएका छन् । यस अघि आवश्यक औषधी खरिदका लागि अजयमेरुका गाउँ वाट एक हजार बढी रुपैया सम्म खर्च गेरर जिल्ला सदरमुकाम जानुपर्ने बाध्यता रहेकोे थियो । फार्मेसी स्थापना संगै सदरमुकाम जानुपर्ने बाध्यता हटेको छ । स्थानिय स्तरमै फार्मेसी स्थापना भएसंगै खर्चको बचत,गाडी भाडा लगायत अन्य खर्च गर्नु पर्ने बाध्यता हटेको स्थानियको भनाई छ ।
