रामेछाप- सरकारले स्थानीय तहको निर्वाचनको मिति घोषणा गरेसँगै जिल्ला निर्वाचन कार्यालय रामेछापले मतदाता नामावली संकलनको विवरण सार्वजनिक गरेकाे छ । सार्वजनिक विवरण अनुसार रामेछापमा मतदाताकाे संख्या १ लाख ७७ हजार ९ सय १६ जना पुगेको छ। जसमा महिला ८७ हजार ४ सय ५५ र पुरुष ९० हजार ४ सय ६१ जना रहेको छ।
स्थानिय तह अन्तर्गत मन्थली नगरपालिकामा ३६ हजार ९ सय ७५ जना मतदाता पुगेका छन्। जसमा महिला १८ हजार ९६ र पुरुष १८ ८ सय ७९ जना पुगेका छन्।
त्यस्तै रामेछाप नगरपालिकामा मतदाताको संख्या २४ हजार ७ सय ४८ जना पुगेको छ। जसमा महिलाको संख्या १२ हजार ३ सय १७ र पुरुषको संख्या १२ हजार ४ सय ३१ जना रहेको छ।
गाउँपालिका अन्तर्गत उमाकुण्ड गाउँपालिकामा १६ हजार २ सय ४ जनाको नामावली संकलन गरिएको छ। जसमा महिला ७ हजार ८ सय ४१ जना र पुरुष ८ हजार ३ सय ६३ जना रहेको छ।
खाँडादेवी गाउँपालिकामा २२ हजार ३ सय ७५ जना मतदाता पुगेका छन्। त्यहाँ पनि महिलाको संख्या १० हजार ७ सय ९८ र पुरुषको संख्या ११ हजार ५ सय ७७ जना पुगेको छ।
गोकुलगंगा गाउँपालिकामा १८ हजार ४ सय ६४ जना मतदाता पुगेका छन्। जसमा महिला ९ हजार ४५ र पुरुष ९ हजार ४ सय १९ जना पुगेको छ।
दोरम्बा गाउँपालिकामा २० हजार ७ सय ५६ जनाको मतदाता नामावली संकलन गरिएको छ। संकलित विवरणअनुसार महिला १० हजार ३ सय ८५ र पुरुष १० हजार ३ सय ७१ जना रहेका छन्।
लिखु तामाकोशी गाउँपालिकामा मतदाताको संख्या १९ हजार ७ सय ७३ जना पुगेका छन् । जसमा महिला ९ हजार ८ सय २९ र पुरुष १० हजार १ सय ४४ जना पुगेका छन्।
सुनापति गाउँपालिकामा १८ हजार १८ सय २१ जना मतदाताको संख्या पुगेको छ। जसमा महिला ९ हजार १ सय ४४ र पुरुष ९ हजार २ सय ७७ जना पुगेका छन्। केन्द्र र अरु जिल्लाबाट गरिएको नामावली पनि आउँन बाँकी रहेकाले यो संख्या बढ्न सक्ने निर्वाचन कार्यालय रामेछापले जनाएको छ।
२०७४ सालको निर्वाचनपछि रामेछापमा मतदाताको संख्या ४१ हजार ४ सय १७ ले बढेको छ। यसअघिको निर्वाचनमा जिल्लाभरका १ लाख ३४ हजार ४ सय ९९ जना मतदाताहरुले मतदानमा भाग लिन पाउने गरि मतदाता कायम गरिएको थियो । जिल्लाको २ नगरपालिका र ६ गाउँपालिका गरि ८ वटा स्थानिय तहका ६४ वटै वडाहरुमा जिल्ला निर्वाचन कार्यालयले मतदाताहरुको नामावली गरेको थियो।
२०७४ सालको स्थानिय तहको निर्वाचनमा कति थिए मतदाता ?
२०७८ सालमा कुन स्थानीय तहमा कति थपिए मतदाता ?
