काठमाडौं – स्थानीय तह निर्वाचन अन्तर्गत अहिले देशभर मतगणना चलिरहेको छ । चर्चामा रहेको काठमाडौं र भरतपुर महानगरपालिकासहित उपमहानगरपालिका, नगरपालिका र गाउँपालिकाहरुमा मतगणना भइरहेको हो ।
पछिल्लो मतगणनाअनुसार २१ वटा पालिकाको नतिजा सार्वजनिक भएको छ । पछिल्लो अपडेट अनुसार कांग्रेस र एमालेले ८/८ पालिकाको नेतृत्व जितेका छन्। एमालेले एउटा पालिकाको नेतृत्व निर्विरोध पाएको हो।
त्यस्तै, माओवादी केन्द्रले तीन पालिकाको नेतृत्व जितेको छ। नेकपा एकीकृत समाजवादीले दुई पालिकाको नेतृत्व पाएको छ। उसले दुवै पालिकाको नेतृत्व निर्विरोध पाएको हो।
हालसम्म एमालेबाट मनाङ ङिस्याङ गाउँपालिका कान्छा घले, चामे गाउँपालिका मनाङ, लोकेन्द्र वहादुर घले, लो- घेकर दामोदरकुण्ड गाउँपालिका/ मुस्ताङ लोप्साङ छोम्पेल विष्ट, बागागुङ मुक्तिक्षेत्र गाउँपालिका/ मुस्ताङ रिङजीन नामगेल गुरुङ, लोमन्थाङ गाउँपालिका/मुस्ताङ टसी न्हर्वु गुरुङ, शे फोक्सुन्डो गाउँपालिका/ डोल्पा धावा सम्डुक गुरुङ, खुम्बु पासाङ ल्हामु गाउँपालिका/सोलुखुम्बु मिङमा छिरी शेर्पा र साइपाल गाउँपालिका/बझाङ मानवीर बोहरा विजयी भएका छन्।
यस्तै नेपाली कांग्रेसबाट घरपझोङ गाउँपालिका/ मुस्ताङ मोहन सिंह लालचन, नार्पाभूमि गाउँपालिका/ मनाङ, कोन्जो तेन्जीङ लामा, नासोँ गाउँपालिका/ मनाङ धन बहादुर गुरुङ, गन्यापधुरा गाउँपालिका ईन्द्रबहादुर कार्की, रेसुंगा नगरपालिका खिलध्वज पन्थी, गुल्मीदरबार गाउँपालिका/गुल्मी सरोजकुमार थापा
यस्तै खार्पुनाथ गाउँपालिका/हुम्ला कर्णबहादुर रावल,र बडीकेदार गाउँपालिका/डोटी भैरव बहादुर साउँद विजयी भएका छन्।
यसैगरी माओवादी केन्द्रबाट जगदुल्ला गाउँपालिका/डोल्पा नारा सिं रोकाया, नौमुले गाउँपालिका/दैलेख छविराम सुवेदी र ताराखोला गाउँपालिका/बागलुङ धनबहादुर बिक हालसम्म विजयी भएका छन्।
यस्तै एकीकृत समाजवादीबाट काइके गाउँपालिका/डोल्पा अंगद कुमार राना र छार्का साङतोङ गाउँपालिका/ डोल्पा
सेनाङ गुरुङ निर्विरोध निर्वाचित भएका हुन्।
