काठमाडौँ – एनआइसी आइडलको उपाधि आश्रेया खड्गी र आज्ञा बस्नेतले जितेका छन्। शनिबार काठमाडौँको नागार्जनु-२ सानोभर्याङमा रहेको उक्त एकेडेमीको प्राङ्गणमा सम्पन्न ग्रान्ड फिनालेमा उनीहरुले उपाधि जितेका हुन्।
१०-१० जना प्रतिस्पर्धीलाई पछि पार्दै नृत्यतर्फ आश्रेया खड्गी प्रथम हुँदै उपाधि जितेकी हुन् भने सायुश्मा पन्त द्वितीय र समृद्धि श्रेष्ठले तृतीय स्थान हासिल गर्न सफल भइन् ।
त्यस्तै, गायनतर्फ आज्ञा बस्नेतले उपाधि जित्दा बिबिशा गुरुङ द्वितीय र प्रकृति सापकोटा तृतीय बनिन्। विजेताले क्रमश: ५०००/- ३०००/- २०००/- नगद, प्रमाणपत्र र ट्रफी प्राप्त गरे ।
प्रतियोगितामा १०० जना भन्दा बढी विद्यार्थीबाट १०-१० जना फाइनलको लागि छनोट गरिएको थियो। प्रतियोगितामा निर्णायक मण्डलको भुमिकामा गायक लेखु सहयात्री र निमिसा घिमिरे (रनर अफ छमछमी) रहेका थिए ।
कार्यक्रममा विद्यालयका अध्यक्ष युवराज अधिकारी, अतिथि, नागार्जुन नगरपालिका २ का वडा सदस्य चन्द्रिका बि.के
प्रिन्सिपल सुगन्ध राज रेग्मी, विभिन्न विद्यालयका प्रिन्सिपलहरूको उपस्थिति रहेको थियो।
कार्यक्रमा अवाकस प्रतियोगिता पनि सम्पन्न गरिएको छ । कार्यक्रममा ४ र ५ कक्षाका विद्यार्थीहरुको सहभागिता रहेको थियो । प्रतियोगितामा छानिएका विद्यार्थीहरुले राष्ट्रिय तथा अन्तराष्ट्रिय प्रतिगोगितामा सहभागी हुन पाउने छन्। विद्यालयले उक्त विषयलाई यहि बर्षदेखि बैकल्पिक विषयका रुपमा पठन पाठन गराउँदै आएको छ ।
