तनहुँ क्षेत्र नम्बर १ को मतपरिणाम आउने क्रम जारी छ। यहाँ राष्ट्रिय स्वतन्त्र पार्टी (रास्वपा)का उम्मेदवार स्वर्णिम वाग्लेले आफ्नो अग्रता कायम राखेका छन्।
सुरुदेखि नै अग्रता कायम राखेका वाग्लेले पछिल्लो मतपरिणाम अनुसार ७ हजार २ सय ९३ मत प्राप्त गरेका छन्। मुख्य निर्वाचन अधिकृतको कार्यालय अनुसार अहिलेसम्म ८ वटा वडाको मतगणना सकिएको छ। अहिलेसम्म १३ हजार ६५ मतगणना भएको छ।
जसमा वाग्लेले ७ हजार २ सय ९३ मत प्राप्त गरेका छन् भने नेपाली कांग्रेसका गोविन्द भट्टराईले ३ हजार २ सय ३४ मत प्राप्त गरेका छन्।
त्यस्तै, नेकपा एमालेका उम्मेदवार सर्बेन्द्र खनाल तेस्रो स्थानमा छन्। उनले २ हजार १ सय ३४ मत प्राप्त गरेका छन्।
तनहुँ–१ मा आइतबार भएको उपनिर्वाचनमा ६३ हजार ७५७ मत खसेको निर्वाचन कार्यालयले जनाएको छ। यो क्षेत्रमा १ लाख २३ हजार ३०५ मतदाता छन्।
