कास्की जिल्ला अदालतले राष्ट्रिय स्वतन्त्र पार्टीका सभापति रवि लामिछानेलाई हिरासतमै थप ५ दिन राखेर अनुसन्धान गर्न प्रहरीलाई अनुमति दिएको छ।
अदालतले तिहारको विदासहित मंगलबार १० दिन म्याद थप गरेको हो।
तर उनी यसअघि नै ५ दिन हिरासतमा बसिसकेका छन्। सोही कारण अब ५ दिन उनी हिरासतमै रहनेछन्।
लामिछानेसहित छविलाल जोशी र लिला पछाईंलाई पनि सोही अवधिसम्म हिरासतमा राख्न अदालतले अनुमति दिएको छ।
यहीबीचमा लामिछानेलाई सुप्रिम सहकारी ठगीबारे अनुसन्धानका लागि रुपन्देही (बुटवल) लैजाने प्रहरीको तयारी छ।
