काठमाडौं- ओप्सना फिल्मस् प्रालिको आयोजना मा दोस्रो ‘ओप्सना फिल्म एण्ड म्युजिक अवार्ड–२०८२’ सम्पन्न भएको छ। वरिष्ठ चलचित्रकर्मी हरिहर शर्माको प्रमुख आतिथ्यतामा र आयोजक संस्थाका प्रबन्धक निर्देशक ओम प्रकाश राईको अध्यक्षतामा नेपाल चलचित्र विकास बोर्डको सभाहलमा कार्यक्रम सम्पन्न भएको हो।
समारोहमा वरिष्ठ संचारकर्मी शिरोमणि दवाडीलाई पत्रकारितामा तीन दशक लामो योगदानका लागि ‘राष्ट्रिय सृजनशील सञ्चारकर्मी सम्मान’ प्रदान गरिएको छ। साथै यसै अवसरमा युवा साहित्यकार भिष्मराज फुलारालाई ‘राष्ट्रिय साहित्य रत्न सम्मान’, गायक शिव परियारलाई ‘राष्ट्रिय संगीत रत्न सम्मान’, डा. सूर्यबहादुर मगरलाई ‘राष्ट्रिय संगीत व्यवसायी सम्मान’, राजेन्द्र बजगाईलाई ‘राष्ट्रिय संगीत एवं कला रत्न सम्मान’ तथा देवेन्द्र पाण्डेलाई ‘राष्ट्रिय संगीत तथा कला सम्मान’ प्रदान गरिएको थियो।
