संसदको जारी अधिवेशनको सुरुवातमा भएका गति बिधिप्रति सरकारले असन्तुष्टि व्यक्त गरेको छ।
‘प्रतिनिधि सभा पुनर्स्थापनापछि सुरुमा जसरी बैठक अघि बढे त्यसले राम्रो संकत गरेन। सदनका बैठक नचलेका बेला सरकारले अध्यादेश ल्याउनुपर्छ,’ शुक्रबार संसदको बैठकमा आफ्ना धारणा राख्दै ज्ञवालीले भने, ‘संसदको पहिलो बैठकमा ती अध्यादेश प्रस्तुत गर्नुपर्ने संविधानको व्यवस्था छ, तर जनताको चासोसँग जोडिएका केही अध्यादेश रोकिए।’
एसिड आक्रमणविरुद्धको अध्यादेश प्रस्तुत गर्न र बहालवाला र पूर्व सांसदहरुको निधनमा श्रद्धाञ्जलि दिन समेत अवरोध भएको भन्दै उनले असन्तुष्टि व्यक्त गरे। उनले सरकारले यसबीचमा महत्वपूर्ण कामहरु गरेको दाबी गरे।
‘आज संविधान सर्वस्वीकार्य बनेको छ। संविधान जारी हुँदा दुईवटा पक्ष संविधान बाहिर रहेको थियो, तराईमा एउटा समूहले मानेन र पृथकतावादी गतिविधि ग¥यो भने अर्को पक्ष एकीकृत क्रान्तिको नाममा बाहिर रह्यो,’ उनले भने।
उनले नेत्रविक्रम चन्द ‘विप्लव’ नेतृत्वको नेकपा र सिके राउतलाई सरकारले शान्ति प्रक्रियामा ल्याएर सरकारले देशलाई राजनीतिक हिसावले द्वन्द्वमुक्त बनाएको बताए।
