काठमाडौं – महान्यायाधिवक्ता अग्निप्रसाद खरेलले आज पदबाट राजीनामा दिएका छन् ।
राजीनामापछि खरेल नेकपा एमालेको राजनीतिमा सक्रिय हुने बताइएको छ । विगतमा केन्द्रीय सदस्य भइसकेका खरेल फेरि केन्द्रीय समितिमा मनोनीत भएर काम गर्ने बताइएको छ ।
पत्रकार सम्मेलन गरेर खरेलले राजनीतिमा फर्किनुपर्ने आफ्नो दायित्व भएकाले राजीनामा दिएको स्पष्ट पारेका हुन्।
दोस्रो संविधानसभादेखि माधवकुमार नेपालबाट ओली गुटमा प्रवेश गरेका खरेल त्यसपछि महान्यायाधिवक्ता नियुक्त भएका हुन् ।
‘तीन वर्षको राजनीतिक जीवनको विश्रामपछि मेरो अन्तस्करणले मलाई साविककै कामलाई निरन्तरता दिन उत्प्रेरित गर्यो। त्यही भूमिकामा क्रियाशील हुनुपर्ने दायित्वबोध पनि भयो’, उनले भनेका छन्। ‘सम्माननीय प्रधानमन्त्रीज्यूसँगको परामर्शमा नै मैले स्वेच्छापूर्वक यो जिम्मेवारीबाट विदा लिएको हुँ।’
