काठमाडौँ – एमालेको पार्टी कार्यालय धुम्बाराहीबाट सारेर थापाथली लगिने भएपछि नेकपा एमालेका अध्यक्ष केपी शर्मा ओली नयाँ कार्यालय निरीक्षणका लागि जाने भएका छन् ।
बुधबार प्रधानमन्त्री ओली उक्त भवन निरीक्षणका लागि थापाथली हाइटस्थित उमंग मार्ग जान लागेका हुन् । प्रधानमन्त्री ओली आउने भएपछि त्यहाँ सुरक्षाकर्मीहरू र पार्टीका केही नेता उपस्थित छन् ।
एमाले केन्द्रीय कार्यालय धुम्बाराहीबाट थापाथली सर्न लागेको छ । सञ्जय अग्रवालको सो घर आजै सम्झौता गरेर एमालेले पार्टी कार्यालयका लागि भाडामा लिने तयारी गरेको छ ।
साढे २ तलाको उक्त घरमा १३ कोठा छन् । यसअघि उक्त घरमा संयुक्त राष्ट्रसंघ युएन वुमनको कार्यालय थियो ।
