डम्बर निदाल
डडेल्धुरा – डडेल्धुरामा घर पोत्ने माटो खन्ने क्रममा ढिस्कोले पुरिएर एक जना महिलाकोज्यान गएको छ । भने दुई जना घाईते भएका छन् । जिल्लाको अमरगढी नगरपालिका—७ ऐरी गाउँकि ४० बर्षिय नारु देवी ऐरीको मृत्यु भएको जिल्ला प्रहरी कार्यालय डडेल्धुराले जनाएको छ ।
जिल्ला सदरमुकामको अमरगढी नगरपालिका—८ उग्रतारा मन्दिर परिसर भित्र रहेको सामुदायिक वन जंगलकोे फेदमा माटो खन्ने क्रममा लामो सुरुङ बनेको बताईएको छ । सोही सुरुङ भित्र वाट माटो खन्दा माटोको ढिस्कोले पुरिएर उनको घटनास्थलमै मृत्यु भएको जिल्ला प्रहरी कार्यालय डडेल्धुराका सुचना अधिकारी प्रहरी निरिक्षक राजेन्द्र बहादुर चन्दले बताए । उनको शव नेपाल प्रहरी र शसस्त्र प्रहरीले निकालेको थियो ।
माटोको ढिस्कोले पुरीदा घाईते भएका ३० बर्षिय शारदा ऐरी र २० बर्षिय कल्पना बिककोे डडेल्धुरा अस्पतालमा उपचार भईरहेको छ ।
नयाँ वर्षमा विसु पर्व मनाउन सुदूरपश्चिमेलीहरुको प्रचलन अनुसार घर पोत्न रातो माटो खन्ने गरिन्छ ।
