एमालेमा प्रधानमन्त्री ओली र वरिष्ठ नेता नेपाल नेतृत्वका दुई पक्षबीच अहिले तीव्र शक्ति संघर्ष चलिरहेका बेला हिजो बुधबारदेखि दुई नेताबीच एक्लाएक्लै वार्ता सुरु भएको छ। दुई शीर्ष नेताबीच मेरियट होटेलमा आज दोस्रो बैठक बसेको हो।

पार्टी फुटको संघारमा पुगेका बेला बुधबार ओली-नेपालबीच सोही होटलमा वार्ता भएको थियो।

आज पनि वार्ताका लागि दुबै नेता अपरान्ह मेरियट पुगेका थिए। उनीहरू होटलमा पुगेको केही समयपछि प्रधानमन्त्री ओलीको सचिवालयले एउटा तस्बिर सार्वजनिक गरेको छ। प्रधानमन्त्रीका प्रेस सल्लाहकार सूर्य थापाले सार्वजनिक गरेको तस्बिरमा प्रधानमन्त्री ओलीले र नेता नेपाल कोठाको झ्यालबाट बाहिर हेरिरहेका छन्।

तस्बिर राखेर थापाले लेखेका छन् ”प्रधानमन्त्री केपी शर्मा ओली र पूर्वप्रधानमन्त्री एवं सांसद माधवकुमार नेपाल संयुक्त रूपमा नागपोखरीस्थित मेरियट होटलको भेटघाट कक्षको झ्यालबाट सुन्धारामा नवनिर्मित धरहराको दृश्यावलोकन गर्नु हुँदै।”

हिजो दुई नेताबीच करिब दुई घण्टा कुराकानीपछि फेरि भेटलाई निरन्तरता दिने सहमतिसहित बैठक टुंग्याइएको थियो।

LEAVE A REPLY

Please enter your comment!
Please enter your name here