काठमाडौं- गीतकार गौतम डंगोल सन्देशको ‘तिम्रो फोटो हेरी’ बोलको गीतको म्युजिक भिडियो सार्वजनिक भएको छ ।सरोज पोखरेलको संगीत, उदयीमान गायक सुमन केसी र मेलिना राईको स्वरले सुसज्जित गीत सार्वजनिक भएको हो।
पूर्व बैंकर तथा हाल विद्युत नियमन आयोगका सदस्य डंगोलका यसअघि रिलिज भएका वियोगान्त कथामा आधारित गीत तथा म्युजिक भिडियोहरू भन्दा फरक यो गीत प्रेम सुखमा आधारित रोमाञ्चले भरिपूर्ण रहेको र यस भिडियोमा विशेषतः आफू भन्दा दूरदराजमा बस्ने प्रियजनसँग लामो समय भेट नहुँदाको अवस्थामा फोटो हेरेरै भए पनि मनैमन कुरा गरेको प्रसङ्गलाई भिडियोमार्फत अभिव्यक्त गर्ने जमर्काे गरिएको छ ।
अन्जन शर्माद्वारा निर्देशित यो भिडियोको सहायक निर्देशक सन्तोष पोखरेल आदित्य, छायांकार दिनेश पोखरेल, सज्जा सुष्मा परियार, सम्पादक राकेश दहाल तथा निर्माता किरण महर्जन ‘सिंह’ रहेका छन् ।
भिडियोमा कमल सिंह र आकांक्षा आचार्यको अभिनय देख्न सकिन्छ । पूर्वी काठमाडौँका विभिन्न ठाउँहरूमा छायांकन गरिएको यो म्युजिक भिडियोमा इन्द्रायणी, साँखु शंकरापुर, जर्सिङपौवा, लप्सीफेदि लगायतका ठाउँहरूको मनोरम दृश्य हेर्न सकिन्छ ।
हेर्नुस् भिडियो
