ललितपुरकाे बालकुमारीमा भौतिक पूर्वाधार तथा यातायातमन्त्री प्रकाश ज्वालाले प्रयाेग गर्ने गाडीमा आगजनी भएकाे छ ।
रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूकाे समूहले मन्त्री ज्वालाले प्रयाेग गर्ने बा २ झ ५८६१ नम्बरको गाडीमा आगजनी गरेका हुन् ।
गाडी जलाइएपछि अहिले ग्वार्को र बालकुमारी क्षेत्र तनावग्रस्त भएको छ। ग्वार्कोको आकाशे पुल र बालुकमारीको मनोहरा पुलदेखि नै ठूलो संख्यामा प्रहरी तैनाथ गरिएको छ।
प्रहरीले अवस्था नियन्त्रणमा लिए अश्रुग्यास र लाठी प्रयोग गरिरहेको छ। ईपीएस परीक्षामा फेल भएकाहरूले तत्काल परीक्षा दिन पाउनुपर्ने माग गर्दै आएका छन्।
भिडियो
