काठमाडौं – भ्रष्टाचार आरोपमा दोषी ठहर भएका नेपाल प्रहरीका पूर्वडीआईजी महेशविक्रम शाहलाई ३ वर्ष जेल सजाय भएको छ ।
विशेष अदालतले बुधबार कैद सजाय निर्धारण गरेको हो । शाहलाई बिगो र बिगोबमोजिम जरिवाना पनि भएको छ । १६ लाख ६९ हजार ४२ रुपैयाँ बिगो दाबी गर्दै मुद्दा दायर भएको थियो ।
क्षेत्रीय तालिम प्रहरी केन्द्र दुधौलीमा कार्यालयमा प्रमुख रहेका बेला रकम हिनामिना गरेको प्रकरणमा तत्कालीन डीआईजी शाहसहित दुईजना दोषी ठहर भएका थिए ।
पूर्वसई दीपेन्द्रप्रसाद पनेरूलाई पनि शाहलाई बराबर कैद, बिगो र जरिवानाको फैसला गरेको छ । आरोप लागेका प्रहरी हवल्दार केशवसिंह ऐरी र लेखापाल सञ्जीव विशुंखेलाई भने विशेष अदालतले सफाइ दिएको छ ।
विशेष अदालतका अध्यक्ष टेकनारायण कुँवर, सदस्यहरु तेजनारायण सिंह राई र रितेन्द्र थापाको इजलासले चार आरोपितमध्ये दुई जनालाई दोषी ठहर गरेको हो ।
शाह मदन पुरस्कार विजेता साहित्यकारसमेत हुन् ।
