काठमाडौं – अहिले देशभर मनसुनी वायुको प्रभाव कायमै छ। जल तथा मौसम पूर्वानुमान महाशाखाका अनुसार मंगलबार दिउँसो देशभर आंशिकदेखि साधारणतया बदली हुनेछ।
अहिले कर्णाली तथा सुदूरपश्चिम प्रदेशमा आंशिक बदली भएको छ भने अहिले बागमती र कर्णाली प्रदेशका एक-दुई स्थानमा छिटपुटदेखि हल्का वर्षा भइरहेको छ।
कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानसँगै बाँकी भागका थोरै स्थानमा मेघ गर्जन–चट्याङ्गसहित हल्कादेखि मध्यम वर्षा हुने पूर्वानुमान रहेको महाशाखाको बुलेटिनमा उल्लेख छ।
कोशी र गण्डकी प्रदेशका केही ठाउँमा भने भारी वर्षाको पूर्वानुमान मशाखाकाले गरेको छ।
मंगलबार राति कोशी, मधेश, बागमती र गण्डकी प्रदेशका केही स्थानमा तथा बाँकी प्रदेशका थोरै स्थानमा मेघ गर्जन-चट्याङ्गसहित हल्कादेखि मध्यम वर्षाको सम्भावना छ।
