ट्राफिक प्रहरीलाई घुस दिन खोज्ने एक मोटरसाइकल चालक पक्राउ परेका छन् । ड्यूटीमा खटिएका ट्राफिक प्रहरीलाई घुस दिन खोज्ने मोटरसाइकल चालक सिन्धुपाल्चोक घर भई काठमाडौंको चाबहिल बस्ने ३५ उज्वल आचार्य पक्राउ परेको महानगरीय ट्राफिक प्रहरी महाशाखाले जानकारी दिएको छ ।
महाशाखाका अनुसार बा ३३ प ६५ नम्बरको मोटरसाइकल विमानस्थलमा अनाधिकृत रुपमा पार्किङ गरेर राखिएको थियो । त्रिभुवन अन्तर्राष्ट्रिय विमानस्थलको अन्तर्राष्ट्रिय टर्मिनलमा खटिएका ट्राफिक प्रहरी समर्पण केसीले चालकमाथि कारबाही गर्न खोजे ।
त्यसपछि मोटरसाइकलका चालक सिन्धुपाल्चोक घर भई चाबहिल बस्ने ३५ को उज्जवल आचार्यले ती प्रहरीलाई १६० रुपैयाँ घुसको अफर गरे । यो आइतबार राति करिब १०ः४० बजे तिरको घटना रहेको महाशाखाले जनाएको छ ।
त्यसपछि प्रहरीलाई घुस दिन खोज्ने आचार्यलाई पक्राउ गरी कारबाहीका लागि महानगरीय प्रहरी वृत्त गौशालामा बुझाइएको छ ।
