काठमाडौँ – वरिष्ठ गायक जगतमर्दन थापाको निधन भएको छ । उपचारको क्रममा ८२ वर्षीय गायक थापाको सोमबार निधन भएको पारिवारिक स्रोतले जानकारी दिएको छ ।
स्वासप्रस्वास सम्बन्धी समस्याका कारण उनलाई केही दिनदेखि नर्भिक अस्पतालमा भर्ना गरिएको थियो । त्यसअघि गायक थापा कोरोना भाइरसको संक्रमण जित्न सफल भएका थिए ।
उनका ‘भन लौ तिमी नढाँटी, आशाको दियो बालेर, माया लुकाइ लुक्दैन’ सहितका गीत चर्चित छन् ।
१९९५ असार १७ मा जन्मिएका थापा २०२० देखि गायनमा सक्रिय रहँदै आएका थिए । उनले नयाँ एल्बमको तयारी भइरहेको थियो ।
उनको सोमबार नै अन्त्येष्टि गरिने परिवारले जनाएको छ ।
