रामेछाप -रामेछापको मन्थली नगरपालिका ९ पुरानागाउमा निर्माण सम्पन्न भएको स्थानापति माध्यामिक विद्यालयको भवन बुधबार विद्यालयलाई हस्तान्तरण गरीएको छ ।
राष्ट्रिय पुननिर्माण प्रँधिकरण अन्तरगत निर्माण भएको उक्त भवन मन्थली नगरपालिकाका प्रमुख रमेशकुमार वस्नेतले बुधबारनै उद्घाटन गरी उनले विद्यालयको सांचो व्यवस्थापन समितिलाई हस्तान्तरण गरेका हुन ।
२०७२ सालको विनाशकारी भूकम्पबाट क्ष्ँतिग्रस्त सामुदायिक विद्यालय पुननिर्माण गर्ने सिलसिलामा विपत उत्थानसिल विद्यालय परियोजना मार्फत एसियाली विकास बैंकको सहयोगमा उक्त भवन निर्माण भएको हो । विद्यालय भवन खानी निर्माण सेवाले निर्माण गर्ने जिम्मेवारी लिएको थियो । उक्त निर्माण सेवाका प्रतिनिधी दिपेन्द्र कार्कीले तोकिएको अवधिमा विद्यालय भवन र परिसरका सम्पूर्ण पूर्वाधारको काम सकेर हस्तान्तरण गरेको वताए ।
उद्घाटन कार्यक्रममा नगर प्रमुख रमेशकुमार वस्नेतले शिक्षाको गुणस्तरका लागि विद्यालय भवन र अन्य पूर्वाधार सगसगैं पठनपाठनमा सुधार आवश्यक रहेको औंल्याएका थिए । उनले विद्यालयमा अध्यापन गर्ने शिक्षकलेनै सिकाई उपलव्धि ल्याउन सक्ने हुदा त्यस तर्फ क्रियासिल भएर लाग्न शिक्षकहरुलाई आग्रह गरेका थिए । नगरपालिकाले शिक्षा क्ष्ँेत्रको सुधारका लागि के गर्नुपर्ने हो ? त्यसको खाका ल्याउन विद्यालयहरुलाई निर्देश गरीसकेको वताउदै अव पनि टालटुले पाराले विद्यालयमा पठन पाठन गर्ने सह्य नहुने चेतावनी दिएका थिए ।
कार्यक्रममा नेपाली कांग्रेसका नेता पूर्णवहादुर तामाङले २०७२ सालको भूकम्पले शिक्षाका संरचना पुननिर्माणका लागि ढोका खोलेको वताए । उनले पूर्वाधारको काम नपुगे कराउने ठाउं रहने तर शिक्षा विग्रेमा त्यसको दोष अरुलाई नभै शिक्षकहरुलेनै लिनु पर्ने वताएका थिए ।
भवन उद्घाटन कार्यक्रममा जिल्ला आयोजना कार्यान्वयन इकाई (शिक्षा) का आयोजना प्रमुख निर्मलकुमार घिमिरेले २० कोठे भवन र परिसर निर्माणमा करिव १३ करोड खर्च लागेको जानकारी गराए । कार्यक्रममा नेपाल पत्रकार महासंघका जिल्ला सभापति रमेश ढुंगेल र वडा अध्यक्ष बुद्धिवहादुर पुलामीले समेत आ आफ्नो धारणा राखेका थिए ।
यसैविच विद्यालयको खेल मैदानको लागि जग्गा अप्रयाप्त भएकोले निर्माण व्यवसायी दिपेन्द्र कार्कीले व्यक्तिगत २ लाख रुपैया सहयोग गरेका छन् ।