डम्बर निदाल
डडेल्धुरा – डडेल्धुरा जिल्लाको भित्रिमधेश चुरेगाउँमा खानेपानी पुगेको छ । खानेपानी पुगे पछि चुरे गाउँका स्थानिय खुशी भएका छन् । भित्रिमधेश जोगबुढाका चुरेगाउँमा पहिलो पटक खानेपानी पुगेको छ । खानेपानी पुगे पछि यहाँका स्थानियले एक किलोमिटर टाढा बाट पिठ्युमा बोकेर पानी खानु पर्ने बाध्यताको अन्त्य भएको छ ।
जिल्लाको परशुराम नगरपालिका–३ को चुरेमा रहेका कालापात्थर, कालढुङ्गि, आमथला र सिमल्टा गाउँमा पहिलो पटक खानेपानी पुगेको हो । करिब चार किलोमिटर किलोमटिर टाढा शिर्ष क्षेत्र बाट पाईप द्धारा खानेपानी गाउँमा पुगाईएको छ । मुहानको पानी लाई पाँच सय मिटर तल खोलामा झारी माथि डाँडाको माथी रहेका गाउँमा पानी चढाईएको छ ।
करिब अढाई करोडको लगानीमा सम्पन्न हुदै गरेकोे कालापात्थर कालढुङ्गि आमथला सिमल्टा खानेपानी योजना बाट एक सय १५ घरधुरी लाभान्वित भएका छन । खानेपानी योजनाको अहिले ८० प्रतिशत काम सकिएको खानेपानी तथा सरसफाई डिभिजन कार्यालय डडेल्धुराले जनाएको छ ।
दुई वर्ष पहिले देखि सुरु भएको योजनाको काम आउदो फागुनमा सकिने छ । अहिले यि गाउँमा एउटा आरसिसि र एउटा फेरो टंकी बनाईएका छन । दुई वटा टंकि बाट घरघरमा धारा बनाई पानी वितरण गरिएको छ ।
विगतमा बनाईएको फेरो टंकि लाई नयाँ प्रबिधिमा लैजान आरसिसि टंकि बनाईएको खानेपानि तथा सरसफाई डिभिजन कार्यालय प्रमुख गोबिन्द प्रसाद देवकोटाले बताए । सुख्खा क्षेत्र भएकाले नयाँ प्रबिधिको प्रयोग गरि गाउँमा पानी पुगाईएको र कतिपय सेक्सनमा एचडि पाईप, कहि जिआई र कहि स्टिल सिनलेस पाईपको प्रयोग गरेका छौ । यसले पानी माथि चढ्न सहयोग गर्छ र दिर्घकालिन पनि हुने उनले बताए ।
यस अघि गाउँवासिले एक किलोमिटर टाढा बाट ग्यालेनमा पानी भरि पिठ्युमा बोकेर घर सम्म ल्याउन गरेका थिए । एक ग्यालेन पानी घर पुगाउन घण्टौ लाग्ने गरेको थियो । यहाँका एक सय १५ घरधुरीमा पानीको साह्रै समस्या थियो । अहिले गाउँमा पानी पुग्यो । अब निकै सहज भएको छ । घरघरमा पानी पाउदा गाउँले सबै हर्षित भएको स्थानिय चन्द्र बहादुर धामिले बताए ।