काठमाडौं – मौसम पूर्वानुमान महाशाखाले मनसुनको न्यून चापीय रेखा औसतभन्दा केही उत्तर अर्थात् नेपालतर्फ रहेको जानकारी दिएको छ ।
महाशाखाका अनुसार हाल देशका अधिकांस स्थानहरुमा आंसिकदेखि सामान्य वदली भइरहेको छ भने पूर्वी भू–भागका केही स्थान र पश्चिमका १/२ स्थानमा हल्का वर्षा भइरहेको छ ।
बिहीबार (आज) दिउँसो मुलुकका धेरैजसो स्थानमा आंसिकदेखि सामान्य वदली रही पश्चिम र मध्यका केही स्थान तथा पूर्वका केही स्थानहरूमा मेघ गर्जन र चट्याङ्गसहित वर्षा हुने संभावना छ । त्यस्तै बिहीबार राति देशका धेरैजसो स्थानमा सामान्य वदली रही केही स्थानमा मेघ गर्जन र चट्याङ्गसहित हल्कादेखि मध्यम वर्षा हुने तथा पश्चिमी भू–भागका एक/दुई स्थानमा मेघ गर्जन र चट्याङ्ग सहित भारी वर्षा हुनसक्छ ।
त्यस्तै शुक्रबार दिउँसो धेरैजसो स्थानमा वदली रही केही स्थानहरुमा मेघ गर्जन र चट्याङ्ग सहित हल्का देखि मध्यम वर्षा हुने एवं राती सामान्यतया वदली रही केही स्थानमा मेघ गर्जन र चट्याङ्गसहित वर्षा हुने सम्भावना छ ।
शनिबार दिउँसो देशका धेरैजसो स्थानमा वदली रही केही स्थानमा मेघ गर्जन र चट्याङ्गसहित वर्षा तथा राति आंसिक देखि सामान्य वदली रही पश्चिमका थोरै स्थान एवं पूर्वी र मध्यका १/२ स्थानमा मेघ गर्जनरचट्याङ्ग सहित वर्षाको संभावना रहेको महाशाखाले जनाएको छ ।
