काठमाडौँ – फरक अबधारणाका साथ आयोजना हुन लागेको” Creative Diva” को लागि आवेदन खुलेको छ । प्लानेट मल्टिमिडिया ईन्टरनेशनल प्रा ल ले आयोजनामा प्रदेश नं १ दमकबाट सुरु गर्न लागेकाे कार्यक्रम “क्रीयटिभ दिभा” को सम्पूर्ण तयारी पुरा भएको छ ।
नेपालमै पहिलो पटक हुन लागिएको यो कार्यक्रममा तीन विधालाई एउटै कार्यक्रममा फरक फरक प्रस्तुति रहेने गरी एउटै मञ्चमा प्रतिस्पर्धा गराईने भएको छ । फेशन र मोडलिङसँग सम्बन्धित तीन विधा “सौन्दर्य कर्मि(मेक-उप आर्टिस्ट), फेशन डिजाईनर र मोडल (र्याम्प मोडेल) हरुको आफ्नो प्रतिभा प्रस्तुति एकै समय एउटै मञ्चबाट गराईनेछ ।
यसरी तीन फरक विधालाई संयोजन गरी एउटै मञ्चमा प्रस्तुत गर्न लागिएको यो पहिलो कार्यक्रम भएको कम्पन्री प्रमुख तथा प्रोग्राम डिरेक्टर मोनित महर्जनले बताए । कार्यक्रम निकै मनोरञ्जनत्मक हुने अनि भब्य हुनुका साथै सहाभागिहरुले आफ्नो क्षेत्रमा एक कदम अघि बढन मद्दत गर्ने विश्वास आफुलाई भएको मोनितले बताए ।
यस अघि नेपालका धेरै शहरहरुमा सफलता पुर्वक कार्यक्रम आयोजना गर्दै आएको प्लानेट मल्टिमिडियाको यो लकडाउन पछिको यो नयाँ कार्यक्रम हो । काठमाण्डौं मात्र केन्द्रीत नरहेर पश्चिमको धनगढी, महेन्द्रनगर अनि पूर्वमा झापासम्म विभिन्न विधाको कार्यक्रमहरु आयोजना गर्दै आएको भए पनि झन्डै १ वर्षपछि हुन लागेको यो कार्यक्रममा छुट्टै उत्साह महशुस गरिरहेको आयोजक जानकारी दिए ।
प्रतियोगिताको तिनै विधाका लागि आवेदन खुल्ला गरिएको र दर्ता शुल्क ५०० रुपैंया रहेको पनि आयोजकले जानकारी गराएका छन । टेलिभिजन रियालिटी सो को अवधारणामा तयार गरिएको यस प्रतियोगितामा सहभागिहरुले विभिन्न चरण पार गर्नु पर्ने छ। ति चरणहरुमा सहभागी गराउनु अघि सबै विधामा विशेषज्ञबाट प्रशिक्षण गराईने पनि आयोजकले जानकारी गराएको छ ।
सबै चरण टेलिभिजनबाट प्रसारण गरिने हुँदा सहभागिहरुले लामो अनि महत्वपुर्ण अनुभब लिने अवसरको रुपमा यस प्रतियोगितालाई लिन सक्नेछन भने प्रतियोगिता भरी निकै मनोरञ्जनात्मक समयका साथ सहभागिहरु प्रतियोगिता भरी उत्साहित रहने आयोजकको बिश्वास रहेको छ ।
