नेपाल राष्ट्र बैंकले रिक्त पद पूर्तिका लागि दरखास्त आह्वान गरेको छ। राष्ट्र बैंकले रिक्त पद पूर्तिका लागि ४३ जना कर्मचारी माग गरेको हो।
बैंकले सहायक निर्देशक प्राविधिक र प्रशासनतर्फ तथा सहायक पदमा कर्मचारी मागेको हो।
राष्ट्र बैंकले निर्देशक (अधिकृत तृतीय) प्रशासनतर्फ १८ जना, सहायक निर्देशक (अधिकृत तृतीय) प्राविधिक (सु.प्र.) १ जना र सहायक (सहायक द्वितीय) प्रशासनतर्फ २४ जना कर्मचारी माग गरेको छ।
उक्त पदपूर्तिका लागि आज भदौ १७ आजदेखि असोज १६ गतेससम्म आवेदन दिन सकिने बैंकले जनाएको छ। आवेदन अनलाइनमार्फत दिनुपर्ने सूचनामा उल्लेख गरिएको छ।
अनलाइनमार्फत फारम भर्दा नेपाल राष्ट्र बैंकको website : http://www.nrb.org.np मा गएर CAREER भित्र गई online portal for open competitions बाट भर्न सकिने छ।
