संस्कृति, पर्यटन तथा नागरिक उड्ययनमन्त्री जीवनराम श्रेष्ठले छाँया सेन्टरमा भएको घटनामा आम मानिसबाट आएको प्रतिक्रियामा आफ्नो गम्भीर ध्यानाकर्षण भएको बताएका छन्।
प्रतिक्रिया स्वभाविक भएको भएपनि घटना लाइनमा नबसेर नभएको उनले प्रष्टिकरण दिएका छन्। ठमेलस्थित छायाँ सेन्टरमा बायोमेट्रिक दिन गएका बेला त्यहाँ कार्यरत गरुण सेक्युरिटी कम्पनीका सुरक्षागार्ड शेरजंग गुरुङले लाइनमा बस्न आग्रह गरेपछि मन्त्री श्रेष्ठ आक्रोशित भएपछि त्यसबारे आलोचना सुरु भएको थियो।
‘छाँया सेन्टरमा भएको घटनाबारे पब्लिकबाट आएका प्रतिकृयामा मेरो गम्भीर ध्यानाकर्षण भएको छ,’ स्पष्टिकरण दिँदै उनले भनेका छन्, ‘पब्लिकको प्रतिकृया स्वभाविक छ, तर त्यो घटना लाइनमा नबसेर भएको नभई म र मेरो सेक्युरिटीमाथि दुर्व्यवहार गरिएकोले सेक्युरिटीले आफ्नो निकायमा जानकारी गराएको हो।’
घटनाबारे सत्य तथ्य बुझेर मात्र प्रतिकृया दिन उनले आग्रह गरेका छन्। ‘घटनाबारे सत्य तथ्य बुझेर मात्र प्रतिकृया दिन र सवै नेता, मन्त्री खराब हुन् भन्ने भाष्य निर्माण गर्ने षडयन्त्रप्रति चनाखो हुन आग्रह गर्दछु।’ मन्त्री श्रेष्ठले भनेका छन्।
लाइनमा बस्नुस् भन्दा मन्त्री हो भन्दै अगाडि बढ्न खोजेका उनलाई रोक्ने सुरक्षागार्ड गुरुङ अहिले दरबारमार्ग प्रहरी बृत्तको हिरासतमा छन्।
उनले फेसबुकमा लेखेका छन्,‘छाँया सेन्टरमा भएको घटनाबारे पब्लिकबाट आएका प्रतिकृयामा मेरो गम्भीर ध्यानाकर्षण भएको छ । पब्लिकको प्रतिकृया स्वभाविक छ, तर त्यो घटना लाइनमा नबसेर भएको नभई म र मेरो सेक्युरिटीमाथि दुर्व्यवहार गरिएकोले सेक्युरिटीले आफ्नो निकायमा जानकारी गराएको हो । घटनाबारे सत्य तथ्य बुझेर मात्र प्रतिकृया दिन र सवै नेतार मन्त्री खराव हुन् भन्ने भाष्य निर्माण गर्ने षडयन्त्रप्रति चनाखो हुन आग्रह गर्दछु ।’
मन्त्री श्रेष्ठलाई लाइन बस भन्ने एकजना सुरक्षागार्ड पक्राउ परेका थिए ।शुक्रबार ठमेलस्थित छायाँ सेन्टरमा भिसा आवेदनका लागि बायो मेट्रिक दिन पुगेका मन्त्री श्रेष्ठलाई सुरक्षागार्डले लाइनमा बस्न आग्रह गरेका थिए ।
तर मन्त्रीलाई अभद्र व्यवहार गरेको आरोपमा प्रहरीले उनलाई पक्रेको गरेर ५ दिनको म्याद थप भएको छ । सेक्युरिटी गार्डलाई पक्राउ गरेपछि मन्त्री श्रेष्ठलाई सर्वसाधरणले गाली गलौज गरिरहेका छन् ।
