काठमाडौं । काठमाडौं महानगरपालिका वडा नम्बर १६ मा रहेको गण्डकी पब्लिक बोर्डिङ स्कुलमा विद्यालय स्तरीय अबाकस प्रतियोगीता सम्पन्न भएको छ । विद्यालयमा २ वर्षदेखि अबाकस लागु हुँदै आएको छ । पाँच सय विद्यार्थी सहभागी विद्यालय स्तरीय प्रतियोगीताबाट छनोट भएका प्रतियोगीले राष्ट्रियस्तरको प्रतियोगीतामा प्रतिष्पर्धा गर्न पाउनेछन् ।
प्रतियोगीता लगत्तै विद्यालका प्रिन्सिपल आरसी भट्टले अबाकस सुरु भएपछि विद्यार्थीको शैक्षिक वातावरणमा निक्कै सुधार भएको र मस्तिष्कलाई एकाग्र गराउन निक्कै सफल भएको बताए । कक्षा २ देखि ७ सम्मका बालबालिकामा अबाकस लागु गरिएको भन्दै उनले अबाकस विद्यालयमा लागु गर्न पाएकोमा निक्कै खुसी लागेको बताए । विद्यालयमा अबाकसलगायत अरु थुप्रै अतिरिक्त क्रियाकलाप संचालन भईरहेको भन्दै उनले एसइईमा पनि आफ्नो विद्यालयले राम्रो नतिजा ल्याउन सफल भएको बताए ।
अबाकस प्रतियोगीतामा सहभागी भएका अभिभावकले विद्यालयमा हुँदै आएको अबकासलगायत अरु थुप्रै अबाकस प्रतियोगीताले आफूहरुलाई निक्कै खुसी दिलाएको बताए । अबाकस एकदमै उपयोगी र अनिवार्य रहेको भन्दै उनले आफ्ना बालबालिकाहरु यस्ता गतिविधिकै कारण निक्कै टाठाबाठा हुँदै गएको प्रतिक्रिया दिए ।
अबाकस आफ्नो विद्यालयमा लागु भएकोमा विद्यार्थीहरु पनि निक्कै खुसी देखिएका छन् । सुरुमा अबाकसबारे खासै थाहा नभएको तर अहिले अबाकस लागुभएपछि त्यसैबाट सबै जवाफ पाएको उनले बताए । यदि कुनै समय पढाईमा ध्यान केन्द्रीत हुन सकेन भने आफूहरुले अबाकसमार्फत ध्यानलाई एकाग्र गराउने गरेको अनुभव उनीहरुले सुानाए ।
बाल बिकास एनसीमासका तर्फबाट प्रशिक्षक सन्तु सिर्मलले बालबालिकाहरुबाट आफूले निक्कै राम्रो प्रतिक्रिया पाईरहेको बताईन् । प्रतियोगीतामार्फत छानिएकाहरु राष्ट्रियस्तरको प्रतियोगीतामा सहभागी बन्न पाउने र यो पटक गण्डकी पब्लिक बोर्डिङ स्कुलले पहिलो ट्रफी जित्न सफल हुने उनले विश्वास व्यक्त गरिन् ।
विश्वका १ सय ५० भन्दा बढी देशमा यसको प्रयोग भइरहेको छ । बालबालिकाको शैक्षिक प्रणालीमा सुधार ल्याउन २ हजार बर्ष पुरानो फादर अफ कम्प्युटर अवाकसलाई विद्यालयले बैकल्पिक विषयका रुपमा पठनपाठन गराउँदै आएको छ । शैक्षिक क्षेत्रमा नयाँ प्रयोग गरिएको अवाकसले बालबालिकाको मष्तिस्क विकास, गणितीय समस्या समाधान गर्न सहज, ध्यानलाई केन्द्रीकृत गराउने गर्दछ ।
