दोलखा – राष्ट्रिय फोटो पत्रकार समूह (एनएफपिजे) नेपालको दोलखा शाखा गठन गरिएको छ । शुक्रबार जीवन लामाको संयोजकत्वमा सम्पन्न प्रथम जिल्ला भेलाले प्रलाद आचार्यलाई अध्यक्ष चयन गर्दै ७ सदस्यीय जिल्ला कार्यसमिति गठन गरेको हो ।
नवगठित कार्यसमितिको उपाध्यक्षमा तारादेवी बस्नेत , सचिवमा गोविन्द थामी र कोषाध्यक्षमा सुजन थामी सर्वसहमत चयन भएका छन् । त्यस्तै सदस्यहरूमा प्रकाश बस्नेत, अनिता लामा र हिरालाल विश्वकर्मा चयन भएका छन् ।
कार्यक्रममा प्रेस काउन्सील नेपालका सदस्य चिरन्जिवि मास्के, नेपाल पत्रकार महासंघ बागमती प्रदेशका महासचिव कृष्ण सारु मगर ,राष्ट्रिय फोटो पत्रकार समूहका कोषाध्यक्ष सागर श्रेष्ठ,केन्द्रीय सदस्य प्रदीप श्रेष्ठ, पत्रकार महासंघ दोलखाका अध्यक्ष दीपशंकर चौलागाईं, आदिवासी जनजाति पत्रकार महासंघ बागमती प्रदेशका अध्यक्ष युवराज श्रेष्ठ,लगायत जिल्लाका अन्य अग्रज पत्रकारहरूको उपस्थिति रहेको थियो ।
