केही समयता मुलुकमा गणतन्त्रविरुद्ध राजावादीहरूको स्वर केही चर्काे सुनिन थालेको छ। समग्रमा तिनको नेतृत्व राष्ट्रिय प्रजातन्त्र पार्टी (राप्रपा) ले गरिरहेको छ।
उनीहरूको होहल्लाले कतिपयलाई साँच्चै गणतन्त्रवादीको दिन सकिन लागेको त होइन भन्ने भान पनि परिरहेको छ।
तर इलाम २ मा भर्खरै सम्पन्न प्रतिनिधि सभा सदस्यको उपनिर्वाचनले राजावादी पार्टी राप्रपाको हैसियत छर्लंग पारिदिएको छ।
गत शनिबार भएको मतदानको मत गन्ने क्रम जारी छ।
अहिलेसम्म २० हजार गनिसक्दा राजावादी राप्रपाले जम्मा ४३ मत पाएको छ। इलाम–२ मा राप्रपाबाट लक्ष्मी गुरुङ उम्मेदवार छन्।
तर गणतन्त्रवादी दल एमालेले ८८९८ मत प्राप्त गरेको छ भने नेपाली कांग्रेसले ६२८० मत पाएको छ। यस क्षेत्रमा एमालेबाट सुहाङ नेम्बाङ र कांग्रेसबाट डम्बर खड्का उम्मेदवार छन्।
यसैगरी स्वतन्त्र उम्मेदवार डकेन्द्रसिंह लिम्बू थेगिमले ४६३४ तथा राष्ट्रिय स्वतन्त्र पार्टीका मिलनकुमार योङहाङ लिम्बुले १३०५ मत प्राप्त गरेका छन्।
